Enter your Email Address to subscribe to our newsletters
नव दिल्ली, 18 सितंबरमासः (हि.स.)।
पश्चिमाशियायां प्रवर्तमानस्य सङ्कटस्य मध्ये वैश्विकाघातानाम् उपेक्ष्य भारतीयार्थव्यवस्थया सुदृढता प्रदर्शिता अस्ति। वैश्विकमूल्याङ्कनसंस्था मूडीज् रेटिङ्ग्स इत्यनया संस्थया चालूवित्तवर्षस्य २०२६ २७ कृते भारतस्य सकलघरेलूउत्पादस्य वृद्धिदरस्य अनुमानं षट्प्रतिशततः वर्धयित्वा सप्तप्रतिशतं कृतम्। संस्थया तैलस्य उच्चमूल्यानां एल् नीनो इत्यस्य च प्रभावेन महङ्गतायाः वृद्धेः सम्भावनायाः विषये अपि सावधानता प्रदर्शिता अस्ति।
मूल्याङ्कनसंस्थया शुक्रवासरे प्रकाशिते स्वकीये नवीनतम-अनुमाने कथितं यत् २०२६ वर्षस्य प्रथमत्रैमासिके वार्षिकाधारेण भारतस्य वास्तविकसकलघरेलूउत्पादस्य वृद्धिदरः ८.२ प्रतिशतं आसीत्, यदा तु २०२५ वर्षे इदं प्रतिशतं ७.३ प्रतिशतं आसीत्। एतत् सुदृढं प्रदर्शनं सुदृढनिजीउपभोगस्य, निवेशस्य, आधारभूतसंरचनायै सर्वकारेण निरन्तरं क्रियमाणस्य व्ययस्य, सेवाक्षेत्रस्य सुदृढतायाः निजी निवेशे च तीव्रतायाः कारणेन सम्भवं जातम्।
अस्य मासस्य आरम्भे जापानस्य ऋणमूल्याङ्कनसंस्था ‘जेसीआर’ इत्यनया भारतस्य मूल्याङ्कनं वर्धयित्वा ‘ए’ ऋणश्रेण्यां कृतम् आसीत्। सुदृढस्य आर्थिकविकासस्य सुदृढायाश्च वित्तीयव्यवस्थायाः आधारं स्वीकृत्य पञ्चत्रिंशद्वर्षीयस्य अन्तरालस्य अनन्तरम् एषा उपलब्धिः प्राप्ता आसीत्।
मूल्याङ्कनसंस्थया कथितं यत् पश्चिमाशियायां सङ्घर्षात् उत्पन्नानां वैश्विकाघातानां प्रति अर्थव्यवस्थया प्रदर्शिता सुदृढता दृष्ट्वा ३१ मार्च् २०२७ दिनाङ्केन समाप्ते वित्तवर्षे २०२६ २७ कृते वास्तविकसकलघरेलूउत्पादस्य वृद्धेः अनुमानं पूर्वनिर्धारितस्य षट्प्रतिशतस्य स्थाने वर्धयित्वा सप्तप्रतिशतं कृतम् अस्ति।
संस्थया सूचितं यत् सकलस्वदेशी-उत्पादस्य वृद्धिदरस्य अनुमाने कृतः अयं परिवर्तनः पश्चिमाशियायां प्रवर्तमानस्य सङ्कटस्य कारणेन उत्पन्नासु अनिश्चिततासु भारतीयार्थव्यवस्थायाः सुदृढतां प्रदर्शयति। संस्थायाः अयम् अनुमानः भारतीय रिजर्व बैंकस्य, एस् एण्ड् पी इत्यस्य फिच् इत्यस्य च अनुमानेभ्यः अधिकः अस्ति। मूल्याङ्कनसंस्थया आशा व्यक्ता यत् भारतः अन्येषां सर्वेषां जी २० अर्थव्यवस्थानां तुलनया तीव्रतरगत्या वर्धमानः भविष्यति।
चालूवित्तवर्षस्य २०२६ २७ अप्रैल जून् प्रथमत्रैमासिके भारतीयार्थव्यवस्था ७.८ प्रतिशतस्य दरया वर्धिता अस्ति, या भारतीय रिजर्ववित्तकोषस्य सप्तप्रतिशतं सकलस्वदेशी-उत्पादवृद्धिदरस्य अनुमानेन अधिका अस्ति।।
---------------
Hindusthan Samachar / Dheeraj Maithani