Enter your Email Address to subscribe to our newsletters
राजकोटम्, 18 सितंबरमासः (हि.स.)।
यशवर्धनचौहानस्य हरफनमौलाप्रदर्शनस्य अन्वयद्रविडस्य च तूफानीपार्याः फलस्वरूपं भारतीयस्य ऊनविंशतिवर्षीयदलस्य वर्षया प्रभाविते प्रथमयुवएकदिवसीयप्रतियोगितायां ऑस्ट्रेलियस्य ऊनविंशतिवर्षीयदलं सप्तधावनाङ्कैः पराजितम्। अनेन त्रिप्रतियोगितात्मकायां श्रृङ्खलायां भारतस्य १ ० इति अग्रता अभवत्।
वर्षायाः कारणात् प्रतियोगिता विंशतिविंशतिः षट्कावसानात्मकं कृतम्। प्रथमं फलन्दाजीं कुर्वता भारतदलेन षड्विकेतेषु १८२ धावनाङ्काः प्राप्ताः। यशवर्धनचौहानेन ३४ कन्दुकेषु पञ्च चतुरङ्कानां द्वयोः षट्कयोश्च साहाय्येन ५४ धावनाङ्काः कृताः। तत्रैव षष्ठक्रमाङ्के फलन्दाजीं कर्तुमागतः अन्वयद्रविडः केवलं १८ कन्दुकेषु ३८ धावनाङ्कान् अकरोत्, येषु द्वौ चतुरङ्कौ त्रयः षट्काश्च अन्तर्भूताः। तस्य आघातदरः २११.११ आसीत्।
भारतदलेन द्वादशे षट्के ८८ धावनाङ्केषु चत्वारि विकेटानि नष्टानि। ततः चतुर्थविकेटस्य कृते चौहानेन अन्वयेन च ६९ धावनाङ्कानां सहभागिता कृत्वा पारी सुदृढा कृता तथा च दलं सुदृढधावनाङ्कानां स्थितिं प्राप्तवान्। ऑस्ट्रेलियादलस्य पक्षतः ऑफ् स्पिनर एली ब्रेनेन चत्वारिषु षट्केषु २९ धावनाङ्कान् दत्त्वा द्वौ विकेटौ प्राप्तौ।
ऑस्ट्रेलियादलेन लक्ष्यस्य अनुसरणं कुर्वता उत्तमः प्रारम्भः कृतः। तस्य शीर्षचतुष्टयस्य फलन्दाजेषु त्रयः चत्वारिंशदधिकान् धावनाङ्कान् प्राप्तवन्तः। कप्तानः जैक् कोजनेकः २७ कन्दुकेषु षट् चतुरङ्कानां त्रयाणां षट्कानां च साहाय्येन ५५ धावनाङ्कान् कृत्वा प्रतियोगितां रोमाञ्चपूर्णां कृतवान्।
ऑस्ट्रेलियादलं अन्तिमेषु ११ कन्दुकेषु २४ धावनाङ्कान् प्राप्तुम् आवश्यकम् आसीत्। कोजनेकेन क्रमेण त्रिषु कन्दुकेषु चतुरङ्काः प्रहारिताः तथा च २५ कन्दुकेषु स्वकीयम् अर्धशतकं पूर्णं कृतम्, किन्तु तत्पश्चादेव सः अग्रिमे कन्दुके निष्कासितः। ततः ऑस्ट्रेलियादलं अन्तिमे षट्के ११ धावनाङ्कान् प्राप्तुम् आवश्यकम् आसीत्, किन्तु दक्षिणहस्तीयेन तीव्रगतिकेन गोलन्दाजेन मोहित् उल्वेन केवलं त्रयः धावनाङ्काः प्रदत्ताः तथा भारतदलं विजयम् अवाप्तवान्।
चौहानेन गोलन्दाजीरूपेण अपि महत्त्वपूर्णं योगदानं प्रदत्तम्। ऑफ् स्पिनरेण ऑस्ट्रेलियादलस्य प्रमुखौ फलन्दाजौ हेडन् बारबुलोविचः २४ कन्दुकेषु ४० धावनाङ्कानां स्कोरे तथा नील् पटेलः २१ कन्दुकेषु ४५ धावनाङ्कानां स्कोरे निष्कासितौ।
प्रतियोगितायां पूर्वभारतीयक्रीडकयोः राहुलद्रविडस्य वीरेन्द्रसहवागस्य च पुत्रौ अपि परस्परं सम्मुखौ अभवताम्। अन्वयद्रविडेन आक्रामकरूपेण ३८ धावनाङ्काः कृताः, यदा तु ऑस्ट्रेलियादलस्य पारीम् आरभमाणेन आर्यवीरसहवागेन २६ कन्दुकेषु पञ्च चतुरङ्कानां साहाय्येन २८ धावनाङ्काः कृताः।
संक्षिप्तं स्कोरम् :
भारतस्य ऊनविंशतिवर्षीयदलम् : २० षट्केषु १८२/६ (यशवर्धनचौहानः ५४, अन्वयद्रविडः ३८; एली ब्रेन् २/२९)
ऑस्ट्रेलियस्य ऊनविंशतिवर्षीयदलम् : २० षट्केषु १७५/७ (जैक् कोजनेकः ५५, नील् पटेलः ४५, हेडन् बारबुलोविचः ४०; यशवर्धनचौहानः २/२८)
परिणामः : भारतस्य ऊनविंशतिवर्षीयदलं सप्तधावनाङ्कैः विजयी।
---------------
Hindusthan Samachar / Dheeraj Maithani