देशस्य विभिन्नभागेभ्यः प्रसिद्धाः मल्लाः प्रदर्शयिष्यन्ति स्वीयं कौशलम्, महिला-मल्लानां मल्लयुद्धं अपि विशेषाकर्षणम्

औरैया, १८ सेप्टेम्बरमासः (हि.स.)। उत्तरप्रदेशस्य औरैयाजनपदे अजीतमल-तहसीलक्षेत्रस्य बिरुहूनी-ग्रामे स्थिते शिवमन्दिरपरिसरे २२ तथा २३ सेप्टेम्बरदिनाङ्कयोः द्विदिवसीयस्य राज्यस्तरीयस्य मल्लयुद्धस्य आयोजनं भविष्यति। मल्लयुद्धे उत्तरप्रदेशस्य अतिरिक्तं हरियाणा, पंजाब, राजस्थान, जम्मू-कश्मीर, असम, दिल्ली इत्यादिभ्यः विभिन्नेभ्यः राज्येभ्यः महिला-मल्लाः पुरुष-मल्लाश्च आगत्य स्वीयान् स्वकलां प्रदर्शयिष्यन्ति। आयोजनस्य विषये मल्लयुद्धसमितिः सज्जतायां संलग्ना अस्ति।

आयोजकानाम् अनुसारं मल्लयुद्धे भारतकेसरी रामेश्वरमल्लः हाथरसतः, ठाकुर-अभियानकमल्लः कानपुरतः, लाडीबाबा पंजाबतः, जावेदगिनी जम्मू-कश्मीरतः, देवथापा नेपालतः, मौसमअली जम्मूतः, कटप्पा राजस्थानतः, अन्ताराष्ट्रियमल्लः विक्रमयादवः फिरोजाबादतः, पूनम हरियाणातः, ज्योति गोरखपुरतः, अंशुमल्लः गाजियाबादतः तथा कोमलमल्लः हरियाणातः इत्यादयः अनेके प्रसिद्धाः मल्लाः आगमिष्यन्ति इति सूचना प्रदत्ता अस्ति।

एतेषां मल्लानां मध्ये भविष्यन्तीनां मल्लयुद्धानां दर्शनार्थं बहुसंख्यकाः दर्शकाः आगमिष्यन्ति इति अपेक्षा अस्ति। दङ्गले महिला-मल्लानां स्पर्धाः अपि विशेषाकर्षणस्य केन्द्रं भविष्यन्ति। आयोजकैः सूचितं यत् बहिरागतानां मल्लानां नगदपुरस्कारेण सम्माननं करिष्यते। प्रतियोगितायां लक्षाधिक-रुप्यकाणां धनराशियुक्तनि मल्लयुद्धानि आयोज्यन्ते। गतवर्षे अधिकतमं मल्लयुद्धं सार्धद्विलक्षरुप्यकाणां धनराश्या आयोजिता आसीत्। अस्मिन् वर्षे अपि मल्लानां मध्ये रोमाञ्चकाः सशक्ताश्च स्पर्धाः द्रष्टुं मिलिष्यन्ति।

दङ्गलस्य उद्घाटनं अजीतमलस्य खण्डप्रमुखः रजनीशपाण्डेयः करिष्यति, समापनं च पूर्वखण्डप्रमुखः राजकुमारदुबे करिष्यति। आयोजनमिदं स्वतन्त्रता-सङ्ग्रामसेनानी तथा मल्लः स्वर्गीयः लालसिंहमल्लः बिरुहूनी इत्यस्य स्मृत्याः सह सम्बद्धम् अस्ति।

कार्यक्रमाध्यक्षः पवनठाकुरः, संरक्षकः चन्द्रहासपाण्डेयः तथा उपाध्यक्षः रानूभदौरिया (अमितः) अध्यापकः इत्येते मल्लयुद्धसमित्याः अन्यैः सदस्यैः सह व्यवस्थां अन्तिमरूपं दातुं संलग्नाः सन्ति। आयोजकैः ग्रामवासिभ्यः क्षेत्रीयजनताभ्यश्च अधिकाधिकसंख्यया आगत्य मल्लानाम् उत्साहवर्धनं कर्तुं आह्वानं कृतम् अस्ति।

Hindusthan Samachar / Divya Ranjan