—पञ्चाशदधिकेभ्यः क्षयरोगिभ्यः पोषणपुटिकाः वितरिताः

वाराणसी, १८ सितम्बरमासः (हि.स.)। प्रधानमन्त्रिणः नरेन्द्रमोदिनः षट्सप्ततितमे जन्मदिवसे सम्पूर्णानन्दसंस्कृतविश्वविद्यालयस्य मुख्यभवनस्य प्राङ्गणे शुक्रवासरे विश्वविद्यालयपरिवारस्य पक्षतः क्षयरोगिभ्यः पोषणपुटिकावितरणकार्यक्रमः आयोजितः। विश्वविद्यालयस्य कुलाधिपतिना उत्तरप्रदेशस्य राज्यपालेन आनन्दीबेनपटेलेन मुख्यमन्त्रिणा योगीआदित्यनाथेन च प्रदत्तायाः प्रेरणायाः अन्तर्गतं आयोजिते अस्मिन् सेवाकार्यक्रमे पञ्चाशदधिकेभ्यः क्षयरोगिभ्यः पोषणपुटिकाः वितरिताः।

कार्यक्रमस्य अध्यक्षतां कुर्वन् विश्वविद्यालयस्य कुलसचिवः राकेशकुमारः क्षयरोगिभ्यः पोषणपुटिकाः प्रदत्तवान् तथा च ते शीघ्रं स्वास्थ्यलाभं प्राप्नुयुरिति मङ्गलकामनां कृतवान्। तेन उक्तं यत् प्रधानमन्त्रिणः जन्मदिवसे सेवा संवेदना सामाजिकदायित्वं च आधृत्य आयोजितम् एतत् कार्यक्रमः जनसहभागितायाः माध्यमेन स्वस्थस्य समर्थस्य च भारतस्य सङ्कल्पं सुदृढं कर्तुं प्रयत्नः अस्ति।

कुलसचिवः अवदत् यत् भारतीयसंस्कृतौ सेवा एव मानवतायाः सर्वोच्चः धर्मः अस्ति। पीडितस्य जनस्य जीवने पोषणस्य विश्वासस्य आत्मीयतायाश्च सञ्चारः केवलं सहायता नास्ति, अपितु लोकमङ्गलस्य सच्ची साधना अस्ति। क्षयरोगमुक्तभारतस्य सङ्कल्पः तदैव पूर्णः भविष्यति, यदा समाजस्य प्रत्येकः वर्गः स्वदायित्वं सहभागितां च सुनिश्चितं करिष्यति।

तेन उक्तं यत् सम्पूर्णानन्दसंस्कृतविश्वविद्यालयः केवलं ज्ञानस्य संस्कारस्य च केन्द्रं नास्ति, अपितु ‘सर्वे भवन्तु सुखिनः’ इत्यस्य भारतीयभावनायाः व्यवहारिकरूपेण कार्यान्वयनं कुर्वन् संस्थानमपि अस्ति। विश्वविद्यालयस्य उद्देश्यं समाजस्य प्रत्येकस्मिन् वर्गे ज्ञानं संस्कारं सेवाभावनां च प्रापयितुम् अस्ति। तेन विश्वविद्यालयपरिवारस्य सदस्याः क्षयरोगस्य प्रति जागरूकतां वर्धयितुं, रोगिषु संवेदनशीलदृष्टिकोणं स्वीकर्तुं तथा तेषां पोषणस्वास्थ्ययोः विषये सहकारिताभावनां निरन्तरं प्रवर्धयितुम् आहूताः।

—पोषणसहकारेण सह जागरूकतायाः सन्देशः

कार्यक्रमस्य नोडलाधिकारी प्रोफेसरः विधुद्विवेदी कार्यक्रमस्य सञ्चालनं कृतवान्। तेन उक्तं यत् अस्य आयोजनस्य उद्देश्यं क्षयरोगिणां स्वास्थ्ये पोषणे च सहकारं प्रदातुं सह समाजे क्षयरोगस्य विषये जागरूकतां जनयितुम् अपि अस्ति।

Hindusthan Samachar / Dheeraj Maithani