Enter your Email Address to subscribe to our newsletters
देहरादूनम्, १८ सेप्टेम्बरमासः (हि.स.)। मुख्यमन्त्री पुष्करसिंहधामी शुक्रवासरे मुख्यमन्त्री-शिबिरकार्यालयस्य मुख्य-सेवकसदने आयोजिते ‘मुख्यमन्त्री युवा-विद्यार्थि-मन्थन’ कार्यक्रमे विद्यार्थिभिः सह प्रत्यक्षं संवादं कृतवान्। अस्मिन् अवसरे हरिद्वारस्य एकादश-कक्षायाः छात्रायाः लवप्रीतकौरस्य प्रश्नस्य उत्तरे मुख्यमन्त्रिणा राजकीयविद्यालयानां दशम्याः द्वादश्याश्च कक्षायाः विद्यार्थिभ्यः टैब-यन्त्राणि प्रदातुं तेषां धनागारेषु डीबीटी-माध्यमेन धनराशिं प्रदातुं घोषणा कृता।
संवादस्य समये छात्रा लवप्रीतकौरः अवदत् यत् अधुना अन्तर्जाल-अध्ययनस्य प्रचलनं वर्धते, किन्तु आर्थिकरूपेण दुर्बलानां परिवाराणां कृते बालकेभ्यः चलदूरभाषं वा लैपटॉप-यन्त्रं वा उपलब्धं कारयितुं कठिनम् अस्ति। सा मुख्यमन्त्रिणः पृष्टवती यत् एतादृशानां विद्यार्थिनां कृते सर्वकारस्य पक्षतः का व्यवस्था क्रियते।
मुख्यमन्त्रिणा कार्यक्रमस्य समये एव घोषणां कुर्वता उक्तं यत् राजकीय-विद्यालयेषु पठतां दशम्याः द्वादश्याश्च कक्षायाः विद्यार्थिनां धनागारेषु टैब-यन्त्राणि उपलब्धानि कर्तुं डीबीटी-माध्यमेन धनराशिः प्रदास्यते।
धामी अवदत् यत् राज्यसर्वकारः शिक्षाव्यवस्थां आधुनिकप्रौद्योगिक्या सह संयोजयितुं विद्यार्थिभ्यः च श्रेष्ठान् शैक्षणिकावसरान् उपलब्धान् कर्तुं निरन्तरं कार्यं करोति। सः अवदत् यत् विद्यार्थिभिः सह प्रत्यक्षः संवादः तेषाम् अपेक्षाः विचाराश्च अवगन्तुं महत्त्वपूर्णं माध्यमम् अस्ति।
हिन्दुस्थान समाचार / Divya Ranjan