पटना, 19 सितंबरमासः (हि.स.)। मुख्यमन्त्रिणा सम्राट् चौधरीवर्येण बिहारस्य अनुदानप्राप्तेषु वित्तविहीनेषु च विद्यालयेषु महाविद्यालयेषु च कार्यरतानां शिक्षकाणां शिक्षकेतरकर्मचारिणां च वेतनमानधनयोः प्रदानाय ४६१ कोटिरूप्यकाणां वित्तीयसहायतायाः अनुमोदनं कृतम् अस्ति। सर्वकारस्य अनेन निर्णयेन राज्यस्य विभिन्नेषु अनुदानप्राप्तेषु वित्तविहीनेषु च शैक्षणिकसंस्थानेषु कार्यरताः शिक्षकाः अशैक्षणिककर्मचारिणश्च राहतिं प्राप्स्यन्तीति अपेक्षा अस्ति।

मुख्यमन्त्री सम्राट् चौधरीवर्येण शनिवासरे सामाजिकमाध्यमेन अनेन निर्णयेन सम्बन्धिता सूचना प्रदत्ता। तेन उक्तं यत् राज्यसर्वकारः बिहारस्य शिक्षाव्यवस्थां सुदृढां कर्तुं सह शिक्षकाणां मानसम्मानस्य हितानां च संरक्षणाय प्रतिबद्धः अस्ति। सर्वकारेण स्वीकृतायाः वित्तीयसहायतायाः उपयोगः शिक्षकाणां शिक्षकेतरकर्मचारिणां च वेतनमानधनयोः प्रदानाय क्रियते।

वस्तुतः मुख्यमन्त्रिणा शिक्षकदिवसस्य अवसरे वित्तविहीनशिक्षकाणां हिताय पृथक् वेतनमानव्यवस्थां सुनिश्चितुं घोषणा कृता आसीत्। तदनन्तरं सर्वकारेण वित्तविहीनानां अनुदानप्राप्तानां च शिक्षणसंस्थानां वित्तीयस्थितिं दृष्ट्वा एषा वित्तीयसहायता स्वीकृता अस्ति।

सूचनानुसारं राज्यस्य बहवः अनुदानप्राप्ताः वित्तविहीनाः च शैक्षणिकसंस्थाः दीर्घकालात् आर्थिककठिनतां सम्मुखीकुर्वन्ति। वित्तीयसंसाधनानाम् अभावात् बहुषु संस्थानेषु शिक्षकाणां शिक्षकेतरकर्मचारिणां च वेतनमानधनयोः प्रदाने अपि समस्या उत्पद्यते स्म। एवं सति ४६१ कोटिरूप्यकाणां वित्तीयसहायतया एतेषां संस्थानां वित्तीयस्थितौ किञ्चित् सुदृढता भविष्यतीति अपेक्षा अस्ति।

सर्वकारस्य अस्य निर्णयस्य अनन्तरं विभिन्नैः शिक्षकसङ्गठनैरपि निर्णयस्य स्वागतं कृतम्। शिक्षकसङ्गठनैः एषः निर्णयः वित्तविहीनानां अनुदानप्राप्तानां च शिक्षणसंस्थानां कर्मचारिभ्यः महत्त्वपूर्णां राहतिं प्रदातृरूपेण वर्णितः।----------

Hindusthan Samachar / Dheeraj Maithani