कोलकाता, 19 सितंबरमासः (हि.स.)।

पश्चिमबङ्गस्य ग्रामीणविकासमन्त्री दिलीपघोषः कोलकातायाः ललितकलाअकादम्याः क्षेत्रीयकेन्द्रे आयोजितां कलाप्रदर्शनीं प्रशंसयन् तां कलायाः संस्कृतेश्च सुन्दरं सङ्गमम् इति वर्णितवान्। शनिवासरस्य प्रातः सामाजिकमाध्यमे प्रकाशितेन सन्देशेन सः शुक्रवासरस्य सायं प्रदर्शिन्याः उद्घाटनकार्यक्रमे स्वस्य सहभागितां सूचितवान्।

प्रधानमन्त्रिणः नरेन्द्रमोदिनः जन्मदिवसस्य अवसरम् उद्दिश्य ‘प्राधान्य विजुअल क्रिएशन इत्यस्य अनन्यप्रदर्शनी’ इति नाम्ना इयं प्रदर्शनी मध्यग्रामभारतीशिल्पकलाफाउण्डेशन तथा बङ्गाल आर्टिस्ट्स् वॉरियर इत्येतयोः संयुक्ततत्त्वावधानेन आयोजिता अस्ति।

दिलीपघोषः स्वीयसन्देशे प्रदर्शिन्यां प्रदर्शितानां कलाकृतीनां प्रशंसां कुर्वन् कलाकाराणां सृजनात्मकतां तेषां दूरदर्शिन्या विचारधारया सह विशेषरूपेण उल्लेखनीयाम् अवर्णयत्। तेन प्रधानमन्त्रिणः नरेन्द्रमोदिनः तस्य मातुः च सम्बन्धितानां चित्रकृतीनामपि उल्लेखः कृतः।

दिलीपघोषः अवदत् यत् प्रतिभावान् कलाकारः कश्चित् तस्य मातुः सह तस्य विशेषचित्रस्य आधारेण निर्मितं चित्रं तस्मै उपहाररूपेण प्रदत्तवान्। सः तद् उपहारं स्वस्य कृते भावनात्मकं अमूल्यं च प्राप्तिरूपेण वर्णितवान्।

प्रदर्शनी सितम्बरमासस्य २४ दिनाङ्कपर्यन्तं प्रचलिष्यति। दिलीपघोषः जनान् प्रदर्शिनीं द्रष्टुं तथा स्थानीयकलाकारान् प्रोत्साहयितुं तस्यां सहभागितां कर्तुं च आहूतवान्।

---------------

Hindusthan Samachar / Dheeraj Maithani