गण्डईनगरस्य कण्डरासमाजस्य महिलाभिः वंशशिल्पाय नूतनं बलं प्रदत्तम्

रायपुरम्, १८ सितम्बरमासः। छत्तीसगढसर्वकारस्य महत्त्वाकाङ्क्षिणी मातृवन्दनायोजना महिलानाम् आर्थिकस्वावलम्बनस्य सशक्तीकरणस्य च दिशि सार्थका सिद्धा भवति। योजनायाः अन्तर्गतं प्रतिमासं प्राप्यमाणां धनराशिं महिलाः न केवलं स्वकीयासु दैनिकावश्यकतासु व्यययन्ति, अपितु स्वकीयां पारम्परिकजीविकाम् अपि सुदृढां कर्तुं मार्गं प्रशस्तं कुर्वन्ति।

छत्तीसगढस्य खैरागढछुईखदानगण्डईजनपदस्य गण्डईनगरपञ्चायतस्य वार्डक्रमाङ्के १२ निवसन्त्यः कण्डरासमाजस्य महिलाः मातृवन्दनायोजनया प्राप्तां धनराशिं वंशक्रयणे तथा वंशेन टोकरीं सूपं अन्योपयोगिसामग्रीश्च निर्मातुं प्रयुञ्जते।

उल्लेखनीयं यत् वंशशिल्पं कण्डरासमाजस्य पारम्परिकजीविकायाः महत्त्वपूर्णम् अङ्गम् अस्ति। योजनया नियमितरूपेण प्राप्यमाणेन आर्थिकसहाय्येन महिलाभ्यः एतत् पारम्परिकव्यवसायं निरन्तरं प्रवर्तयितुं आवश्यकं आर्थिकसम्बलं प्राप्तम् अस्ति।

महिलाभिः स्वकीयेन पारम्परिककौशलेन निर्मिताः टोकरीः, सूपानि तथा अन्ये वंशोत्पादाः स्थानीयस्तरे विक्रीयन्ते, येन ताभ्यः अतिरिक्तमायः प्राप्यते। एवं मातृवन्दनायोजनया प्राप्तां धनराशिं आयसृजनकार्येषु विनियुज्य महिलाः आर्थिकरूपेण अधिकाः समर्थाः आत्मनिर्भराश्च भवन्ति।

इयं पहलः अस्य उत्तमम् उदाहरणम् अस्ति यत् शासनस्य द्वारा महिलाभ्यः प्रदीयमानेन आर्थिकसाहाय्येन पारम्परिककौशलं स्वरोजगारः महिलासशक्तीकरणं च एकेन सह प्रवर्धितुं शक्यते। गण्डईनगरस्य वार्डक्रमाङ्के १२ कण्डरासमाजस्य महिलाभिः मातृवन्दनायोजनया प्राप्तां धनराशिं स्वकीयया मेहनतया कौशलेन च संयोज्य आत्मनिर्भरतायाः अवसरे परिवर्तिता, या अन्यासां महिलानां कृते आदर्शरूपेण परिणता अस्ति।

Hindusthan Samachar / Dheeraj Maithani