अजयदेवगनस्य प्रशंसकानां कृते एकतः निराशाजनकं वृत्तं, अपरतः महती शुभवार्ता च समागता अस्ति। वृत्तान्तानुसारं तस्य बहुप्रतीक्षितस्य ‘रेञ्जर’ इति चलचित्रस्य प्रदर्शनं सम्प्रति स्थगितम् अस्ति। अपरतः रोहितशेट्टी इत्यनेन निर्देशितायाः लोकप्रियायाः हास्यप्रधानचलचित्र-शृङ्खलायाः ‘गोलमाल’ इत्यस्य पञ्चमं भागं ‘गोलमाल ५’ इति चलचित्रस्य प्रदर्शनदिनाङ्कः निश्चितः अभवत्। अजयदेवगनः पुनः एकवारं विशालपटले दर्शकान् हासयन् दर्क्ष्यते।

मार्चमासे २०२७ वर्षे ईद्-पर्वणः अनन्तरं प्रदर्शिता भविष्यति ‘रेञ्जर’

वृत्तान्तानुसारं जगनशक्तिना निर्देशितं ‘रेञ्जर’ इति चलचित्रं पूर्वं ४ डिसम्बरमासे २०२६ तमे वर्षे चलचित्रगृहेषु प्रदर्शनीयम् आसीत्। अधुना तस्य प्रदर्शनं मार्चमासे २०२७ वर्षे ईद्-पर्वणः अनन्तरं भविष्यति इति वार्ता अस्ति। लवरञ्जनेन निर्मिते अस्मिन् वनसाहसप्रधानचलचित्रे अजयदेवगनः वनाधिकारिणः भूमिकायां दृश्यते, यः सिंहानां रक्षणं कुर्वन् दृश्यते। चलचित्रे सञ्जयदत्तः तथा तमन्नाभाटिया च महत्त्वपूर्णासु भूमिकासु स्तः।

८ जनवरीमासे २०२७ तमे वर्षे प्रदर्शिता भविष्यति ‘गोलमाल ५’

अपरतः रोहितशेट्टी इत्यनेन निर्देशितस्य ‘गोलमाल ५’ इति चलचित्रस्य प्रदर्शनदिनाङ्कः निश्चितः कृतः अस्ति। चलचित्रम् ८ जनवरीमासे २०२७ तमे वर्षे चलचित्रगृहेषु प्रदर्शितं भविष्यति। अस्मिन् समये अजयदेवगनेन सह अक्षयकुमारः अपि ‘गोलमाल’-समूहस्य सदस्यः भविष्यति। चलचित्रे अर्शदवारसी, श्रेयसतलपडे, कुणालखेमू, तुषारकपूरः तथा शर्मनजोशी च अपि दृश्यन्ते। चलचित्रस्य चित्राङ्कनं २०२६ वर्षे आरब्धं भविष्यति इति सूचना समागता अस्ति।

दशकानन्तरं पुनरागच्छति ‘गोलमाल’-चलचित्रशृङ्खला

‘गोलमाल ५’ इति चलचित्रेण प्रायः एकदशकानन्तरं एषा लोकप्रियचलचित्र-शृङ्खला पुनरागमिष्यति। अस्याः शृङ्खलायाः पूर्वं २०१७ वर्षे ‘गोलमाल अगेन’ इति चलचित्रं प्रदर्शितम् आसीत्। चलचित्रशृङ्खलायाः प्रारम्भः २००६ वर्षे ‘गोलमाल फन अनलिमिटेड’ इति चलचित्रेण अभवत्। ततः २००८ वर्षे ‘गोलमाल रिटर्न्स’ तथा २०१० वर्षे ‘गोलमाल ३’ इति चलचित्रे प्रदर्शिते। अधुना रोहितशेट्टी पञ्चमेन भागेन पुनः स्वस्य हास्यकलाकारसमूहं विशालपटले आनयति।

Hindusthan Samachar / Divya Ranjan