Enter your Email Address to subscribe to our newsletters
देहरादूनम्, 19 सितंबरमासः (हि.स.)।
मुख्यसेवकसदने शनिवासरे आयोजिते मातृशक्तिसंवादसम्मानसमारोहे महिलाभिः केन्द्रसर्वकारस्य राज्यसर्वकारस्य च महिलासशक्तिकरणसम्बद्धाः योजनाः आधृत्य गीतानि प्रस्तुतानि। कार्यक्रमे काभिश्चिद् महिलाभिः गीतानां माध्यमेन प्रधानमन्त्रिणः नरेन्द्रमोदिनः मुख्यमन्त्रिणः पुष्करसिंहधामिनश्च प्रति कृतज्ञता प्रकटिता।
संवादस्य समये एका महिला प्रधानमन्त्रिणं प्रति स्वीयं भावं प्रेषयितुम् इच्छां प्रकटयित्वा मुख्यमन्त्रिणः समक्षं गीतं प्रस्तुतवती। ‘अस्मभ्यं तु मोदिना बहु किमपि प्रदत्तम् अस्ति, बहुधन्यवादः’ इति गीतस्य माध्यमेन तया महिलाभ्यः ब्याजरहितऋणस्य, लखपतीदीदीयोजनायाः, महिलास्वयंसहायतासमूहानां च सहितं विभिन्नानां योजनानां उल्लेखः कृतः।
महिलया उक्तं यत् महिलासशक्तिकरणसम्बद्धानां योजनानां माध्यमेन महिलाभ्यः आर्थिकरूपेण सुदृढाः आत्मनिर्भराश्च भवितुं अवसराः प्राप्यन्ते। गीतस्य माध्यमेन तया प्रधानमन्त्रिणः प्रति स्वीयं स्नेहं कृतज्ञतां च प्रकटितम्।
कार्यक्रमे प्रस्तुतानि गीतानि महिलानां परिवर्तमानां भूमिकां आत्मनिर्भरताभावनां च अभिव्यञ्जितवन्ति। महिलाभिः स्वं केवलं सर्वकारीययोजनानां लाभार्थिनीरूपेण न, अपितु आत्मनिर्भरस्य विकसितभारतस्य निर्माणयात्रायां सक्रियसहभागिनीरूपेण अग्रे नेतुम् अभिलाषा व्यक्ता।----
Hindusthan Samachar / Dheeraj Maithani