Enter your Email Address to subscribe to our newsletters
जोधपुरम्, १९ सेप्टेम्बरमासः (हि.स.)। कृषिविश्वविद्यालयस्य जोधपुरस्य डॉ. बी.आर. चौधरी कृषि-अनुसन्धानकेन्द्रस्य मण्डोरद्वारा भारतीयकृष्यनुसन्धानपरिषदः अखिलभारतीय-समन्वितानुसन्धान-परियोजनायाः—तिल-रामतिलयोः—अन्तर्गतं ग्रामे बोयले ‘उन्नततिलप्रजातयः तथा जलवायुस्मार्ट-उत्पादनप्रौद्योगिकयः : अधिकोत्पादनम्, उत्तमगुणवत्ता वर्धमाना च कृषकाणाम् आयः’ इति विषये द्विदिवसीयः कृषकप्रशिक्षणकार्यक्रमः आयोजितः। प्रशिक्षणकार्यक्रमस्य आयोजनं क्षेत्रीया-नुसन्धाननिदेशकस्य डॉ. मोतीलाल-मेहरियस्य मार्गदर्शने अभवत्। कार्यक्रमे प्रायः ३०-३५ कृषकाः सहभागितां कृतवन्तः।
कृषकप्रशिक्षणकार्यक्रमस्य समन्वयकः डॉ. राकेशकौधरी कृषकेभ्यः तिलस्य उन्नतकृषिसम्बद्धानां वैज्ञानिक-प्रौद्योगिकीनां गुणवत्तापूर्णोत्पादनप्राप्तेः उपायानां च विषये विस्तरेण सूचनां प्रदत्तवान्। तेन बीजोपचारस्य, समये वपनस्य, सन्तुलित-पोषकतत्त्व-प्रबन्धनस्य, तृणनियन्त्रणस्य, कीट-रोगप्रबन्धनस्य तथा कटाईपश्चात् प्रबन्धनस्य वैज्ञानिक-प्रौद्योगिकीनां विषये कृषकाः अवगताः कृताः।
तेन जलवायुपरिवर्तनस्य अनिश्चित-ऋतोः च परिस्थितिषु तिलस्य उत्पादकता लाभप्रदता च वर्धयितुं जलवायुस्मार्ट-प्रौद्योगिकीनाम् अङ्गीकरणे अपि बलं दत्तम्। तेन कृषकेभ्यः आह्वानं कृतं यत् ते प्रशिक्षणेन प्राप्तां वैज्ञानिकसूचनां प्रौद्योगिकीश्च अन्येभ्यः कृषकेभ्यः अपि प्रापयन्तु, येन अधिकाधिकाः कृषकाः लाभान्विताः भवितुं शक्नुयुः। प्रशिक्षणस्य समये डॉ. दानसिंहजाखडे कृषकेभ्यः कृषिविश्वविद्यालयेन विकसितानां तिलस्य उन्नतानाम् उच्चोत्पादकप्रजातीनां विषये सूचनां प्रदत्तवान्।
Hindusthan Samachar / Divya Ranjan