नव दिल्ली, 02 सितंबरमासः (हि.स.)।

भारतीयजनतापक्षस्य भाजपाइति दलस्य शासितराज्येषु मन्त्रिणां कृते ३ सितम्बरदिनाङ्के दलस्य मुख्यालये प्रशिक्षणशिबिरस्य आयोजनं भविष्यति। शिबिरे देशस्य भाजपाशासितराज्येभ्यः प्रायः २५ मन्त्रिणः सम्मिलिताः भविष्यन्ति इति सम्भावना अस्ति। भारतीयजनतापक्षस्य राष्ट्रियाध्यक्षः नितिन नवीनः, सङ्गठनमहासचिवः बी एल सन्तोषः तथा विनयः सहस्रबुद्धेः मन्त्रिणः प्रशिक्षयिष्यन्ति।

सूत्राणां अनुसारं शिबिरे केन्द्रीययोजनानां नीतिनां च जनसामान्येषु प्रभावीरूपेण प्रसारणे विशेषः केन्द्रितः भविष्यति। तदतिरिक्तं युवभिः सह संवादवर्धनस्य उपायाः अपि मन्त्रिभ्यः कथयिष्यन्ति। मन्त्रिणः सर्वकारीय उपलब्धीनां जनकल्याणकारीयोजनानां च प्रभावीरूपेण जनेषु धरातलपर्यन्तं प्रसारणस्य विषये अपि प्रशिक्षणं प्राप्स्यन्ति। तेन सह जलप्रबन्धनं, भूजलसंरक्षणं, सिञ्चनव्यवस्था च इत्येतान् विषयान् प्रति अपि चर्चा भविष्यति।

प्रशिक्षणशिबिरस्य अनन्तरं सर्वे प्रायः २५ मन्त्रिणः प्रधानमन्त्री नरेन्द्रमोदिना सह अपि भेटं कर्तुं शक्नुवन्ति।

उल्लेखनीयं यत् राजधान्यां केन्द्रस्य राज्यस्य च मध्ये समन्वयं सुदृढं कर्तुं तथा जलसुरक्षितभारतं विकसितभारतं २०४७ इति लक्ष्यं च अग्रे नेतुं जलशक्तिमन्त्रालयस्य प्रथमं विभागीयशिखरसम्मेलनं १ तथा २ सितम्बरदिनाङ्कयोः सुषमास्वराजभवने आयोजितम्। द्विदिवसीये अस्मिन् सम्मेलने राज्येषु मुख्यमन्त्रिणः मन्त्रिणश्च अपि भागं गृह्णन्ति।

---------------

Hindusthan Samachar / Dheeraj Maithani