रायपुरम्, ०२ सेप्टेम्बरमासः (हि.स.)। उपराष्ट्रपतिः सी.पी. राधाकृष्णन् अद्य रायपुरं प्राप्तवान्। रायपुर-विमानस्थानके राज्यपालः रमेन् डेका, उपमुख्यमन्त्री विजय शर्मा इत्यादिभिः प्रदेशस्य मन्त्रिभिः जनप्रतिनिधिभिश्च तस्य स्वागतं कृतम्। रायपुरं प्राप्त्यानन्तरं उपराष्ट्रपतिः विमानस्थानकात् साक्षात् अखिल-भारतीय-आयुर्विज्ञानसंस्थानं रायपुरं प्रति प्रस्थितवान्। तत्र सः एम्स्-संस्थानस्य तृतीयदीक्षान्तसमारोहे भागं ग्रहीष्यति।

प्रातः प्रायः दशवादने रायपुरं प्राप्त्यानन्तरं सः साक्षात् एम्स्-परिसरं प्रति प्रस्थितवान्। मध्याह्ने सार्धद्वादशवादनपर्यन्तं कार्यक्रमः सम्पन्नः भविष्यति। ततः सः पुनः विमानस्थानकं प्रति गमिष्यति तथा मध्याह्ने सार्धैकवादने दिल्लीं प्रति प्रस्थास्यति। सुरक्षाव्यवस्थायाः समीक्षां स्वयं मुख्यसचिवः विकासशीलः कृतवान्। तथापि उपराष्ट्रपतेः काफिलस्य पूर्वाभ्यासस्य कारणेन सरोना-रिङ्गरोड्-मार्गात् टाटीबन्धचतुष्पथपर्यन्तं यात्रिभि: यातायात्-क्लेशः सम्मुखीकृतः।

उपराष्ट्रपतिना सह केन्द्रीय राज्यमन्त्री अनुप्रिया पटेलः, एम्स्-संस्थानस्य अध्यक्षः प्रो. डॉ. सञ्जीव हाण्डा, एम्स गुवाहाटी-संस्थानस्य प्रो. अशोकः पुराणिकः, एम्स् भोपाल-संस्थानस्य कार्यकारी निदेशकः लेफ्टिनेन्ट् जनरल नरेन्द्रः कोतवालः, केन्द्रस्य पीएमएसवाय-निदेशकः सचिन-कुमारः च विशेषरूपेण कार्यक्रमे उपस्थिताः भविष्यन्ति।

Hindusthan Samachar / Divya Ranjan