- मुख्यमंत्री डॉ. यादवः शुक्रवासरे करिष्यते रोल-आउट इत्येतत्, 2000 तः अधिकजीविकानाम् अवसरे स्रक्ष्यते

भोपालम्, 02 सितम्बरमासः (हि.स.)।मध्यप्रदेशस्य मुख्यमन्त्री डा मोहन यादवः शुक्रवासरे सीहोरनगरे सिजी क्रॉम्प्टन एण्ड ग्रीव्स् पावर एण्ड इण्डस्ट्रियल सॉल्यूशन्स् लिमिटेड इत्यस्य नूतनायाः शक्तिप्रसारित्रनिर्माणैकायाः प्रथमशक्तिप्रसारित्रस्य निष्क्रमणस्य शुभारम्भं करिष्यति। देशे वर्धमानानां विद्युतावश्यकतानां दृष्ट्या एषा आधुनिकनिर्माणैका उच्चक्षमतायुक्तानां शक्तिप्रसारित्राणां निर्माणे महत्त्वपूर्णां भूमिकां निर्वक्ष्यति।

जनसम्पर्काधिकारिणी बबिता मिश्रा बुधवासरे अवदत् यत् प्रायः पञ्चाशत् एकरमिते क्षेत्रे स्थापिता एषा निर्माणैका एकस्मिन् स्थले स्थापिता भारतस्य बृहत्तमा शक्तिप्रसारित्रनिर्माणसुविधा अस्ति। मुख्यमन्त्रिणा अगस्तमासे द्विसहस्रपञ्चविंशतितमे वर्षे अस्याः निर्माणैकायाः भूमिपूजनं कृतम् आसीत् तथा च अधुना प्रायः त्रयोदशतः चतुर्दशमासेषु एव अत्र उत्पादनम् आरब्धम् अस्ति। अत्र द्विशतविंशतिकिलोवोल्टतः द्वादशशतकिलोवोल्टपर्यन्तं श्रेण्यां शक्तिप्रसारित्राणि निर्मास्यन्ते। अस्याः एकायाः मासिकनिर्माणक्षमता पञ्चत्रिंशत् शक्तिप्रसारित्राणां भविष्यति। एतादृशक्षमतायुक्तायाः सुविधायाः एकस्मिन् स्थले स्थापनया देशे उच्चवोल्टतायुक्तानां विद्युत्संप्रेषणोपकरणानां निर्माणं सुदृढं भविष्यति।

सा अवदत् यत् सीहोरे निर्मीयमाणानि उच्चक्षमतायुक्तानि शक्तिप्रसारित्राणि देशस्य विभिन्नभागेषु वैश्विकविपणिषु च प्राप्स्यन्ते। अस्यां निर्माणैकायां निर्मीयमाणानि शक्तिप्रसारित्राणि विद्युत्क्षेत्रस्य अतिरिक्तं दत्तांशकेन्द्रेषु, रेलयानक्षेत्रे, नवीकरणीयऊर्जाक्षेत्रे, तैलप्राकृतिकवायौ तथा विद्युत्संप्रेषणाधोसंरचनासम्बद्धासु परियोजनासु च उपयुज्यन्ते।

जनसम्पर्काधिकारिणी अवदत् यत् मध्यप्रदेशे बृहदौद्योगिकनिवेशानां शीघ्रं कार्यरूपेण परिणतौ एषा परियोजना महत्त्वपूर्णा अस्ति। मुख्यमन्त्रिणः डा मोहन यादवस्य नेतृत्वे राज्यसर्वकारः निवेशप्रस्तावान् वास्तविकौद्योगिकपरियोजनासु परिवर्तयितुं तथा तेषां माध्यमेन स्थानीयस्तरे रोजगारस्य अवसरान् वर्धयितुं च प्रयतते। सिजी इत्यस्य अस्याः निर्माणैकायाः माध्यमेन सीहोरनगरे द्विसहस्राधिकाः प्रत्यक्षाप्रत्यक्षजीविकानाम् अवसराः सृज्यन्ते।

सा अवदत् यत् सिजी पावर एण्ड इण्डस्ट्रियल सॉल्यूशन्स् लिमिटेड विद्युताभियांत्रिकीक्षेत्रे प्रायः नवदशकात् कार्यं कुर्वती अस्ति। कम्पनी शक्तिप्रसारित्राणि, स्विचगियर्, प्रेरणविद्युत्प्रेरकयन्त्राणि, चालकयन्त्राणि, कर्षणविद्युत्प्रेरकयन्त्राणि अन्यानि च विद्युतोपकरणानि निर्माति। सीहोरस्य नूतना निर्माणैका कम्पनीस्य शक्तिप्रसारित्रनिर्माणक्षमतायाः व्यापकं विस्तारं करिष्यति।

सीहोरे निर्मीयमाणैः बृहद्भिः उच्चक्षमतायुक्तैः शक्तिप्रसारित्रैः देशस्य विद्युतावश्यकतानां पूर्तौ सहायता भविष्यति। तेषां निर्यातेन च सीहोरस्य मध्यप्रदेशस्य च औद्योगिकपरिचयाय नूतना दिशा प्राप्स्यते। स्थानीयस्तरे रोजगारस्य अवसरैः सह अस्याः निर्माणैकायाः सम्बद्धानां अन्यव्यवसायानाम् अपि अवसराः वर्धिष्यन्ते।

---------------

Hindusthan Samachar / Dheeraj Maithani