कोलकाता, ०२ सेप्टेम्बरमासः (हि.स.)। पश्चिमबङ्गाले वर्षाकाले डेंगू-रोगस्य वर्धमानानां प्रकरणानां मध्ये राज्य-सर्वकारेण रोगस्य निवारणाय नियन्त्रणाय च अनेके उपायाः घोषिताः सन्ति। मुख्यमन्त्री शुभेन्दुअधिकारी मङ्गलवासरे सायंकाले स्वास्थ्यभवने डेंगू-स्थितिं प्रति आयोजितायाः सभायाः अनन्तरम् अवदत् यत् सम्प्रति राज्ये डेंगू-रोगेण पीडिताः १४८ रोगिणः सन्ति तथा च स्थितिः नियन्त्रणे अस्ति।

मुख्यमन्त्री अवदत् यत् कोलकाता-नगरनिगमक्षेत्रे त्रितीयचतुर्थपञ्चमेषु सेप्टेम्बर-दिनेषु त्रिदिवसीयं विशेषं स्वच्छताभियानं चालयिष्यते। सः अवदत् यत् स्वास्थ्य-विशेषज्ञैः चिकित्सकैश्च प्रदत्तानां परामर्शानाम् आधारेण सीमितसंख्यायां धूम्रकुहू-सिञ्चन-यन्त्राणाम् उपयोगः अपि क्रियते। अल्पायवर्गीयेषु क्षेत्रेषु जनानां कृते निःशुल्कमशकजालानां वितरणस्य योजना अपि अस्ति।

शुभेन्दुअधिकारी अवदत् यत् डेंगू-रोगस्य परीक्षणाय पर्याप्ताः परीक्षणसामग्र्यः उपलब्धाः सन्ति तथा जनैः भयभीतैः भवितुं आवश्यकता नास्ति। सः राज्यवासिभ्यः आह्वानं कृतवान् यत् यदि ज्वरः द्वाभ्यां दिनाभ्यां अधिकं कालं यावत् तिष्ठति, तर्हि तस्य उपेक्षा न करणीया तथा निःशुल्कं परीक्षणम् अवश्यं कारयितव्यम्।

मुख्यमन्त्रिणा पूर्ववर्तिन्याः तृणमूल-काङ्ग्रेस-सर्वकारस्य उपरि डेंगू-रोगस्य प्रकरणानि गोपयितुम् आरोपः कृतः। सः अवदत् यत् पूर्वं चिकित्सकानां कृते डेंगू-रोगस्य प्रकरणानाम् उल्लेखे कठिनता आसीत्, किन्तु वर्तमान-सर्वकारेण चिकित्सकेभ्यः स्पष्टः निर्देशः प्रदत्तः अस्ति यत् डेंगू-रोगस्य निदाने सति तस्य सूचना अभिलेखितव्या।

सः अवदत् यत् गतवर्षे अस्मिन्नेव काले राज्ये डेंगू-रोगस्य प्रायः सप्तसहस्रं षट्शतानि प्रकरणानि समागतानि आसन्, यदा तु अस्मिन् वर्षे सा संख्या न्यूना भूत्वा प्रायः चतुःसहस्रं जाता अस्ति। सः एतां संख्या प्रायः पञ्चाशत्प्रतिशतम् न्यूनी-भूताम् इति अवदत् तथा च अस्य श्रेयः सर्वकाराय न दत्त्वा सामान्यजनानां वर्धितायै जागरूकतायै दातव्यम् इति कथितवान्।

मुख्यमन्त्रिणा आयुष्मान्-भारत-योजनायाः अपि उल्लेखः कृतः। सः अवदत् यत् अगस्तमासस्य १६ दिनाङ्कात् राज्ये योजनायाः कार्यान्वयनानन्तरं पश्चिम-बङ्गाले अधुना पर्यन्तं प्रायः १९ सहस्राणि ७ शतानि जनाः अस्याः योजनायाः अन्तर्गतं चिकित्सां प्राप्तवन्तः। तदतिरिक्तं झारखण्डे, महाराष्ट्रे, ओडिशायां च निवसतां पश्चिमबङ्गालस्य ४५२ निवासिनाम् अपि अस्याः योजनायाः अन्तर्गतं चिकित्सा कृता अस्ति।

सः अवदत् यत् चिकित्सां प्राप्तवद्भिः प्रायः शतं जनैः सः दृश्यमाध्यमेन सम्भाषणं कृतवान्। मुख्यमन्त्रिणः अनुसारं सोनारपुरस्य गोपालमण्डलस्य सार्धैक-लक्षरूप्यकाणां हृदयसम्बन्धी चिकित्सा योजनायाः अन्तर्गतं किमपि शुल्कं विना कृता। अपरतः बीरभूमस्य असगरअली इत्यनेन स्वस्य बालकस्य चिकित्सा कारिता। सः अवदत् यत् एतेषाम् उदाहरणानां माध्यमेन स्पष्टं भवति यत् सर्वकारः धर्मस्य आधारेण भेदभावं न करोति।

Hindusthan Samachar / Divya Ranjan