Enter your Email Address to subscribe to our newsletters
नव दिल्ली, 02 सितंबरमासः (हि.स.)।विदेशमन्त्री डा एस जयशङ्करः सितम्बरमासस्य तृतीयदिनाङ्कात् पञ्चमदिनाङ्कपर्यन्तं यूक्रेनदेशस्य पोलैण्डदेशस्य च आधिकारिकयात्रायां भविष्यति। अस्यां यात्रायां सः उभयोः देशयोः स्वसमकक्षैः सह द्विपक्षीयसम्बन्धानां सुदृढीकरणाय क्षेत्रीयघटनाक्रमानां च विषये विचारविमर्शं करिष्यति।
विदेशमन्त्रालयस्य अनुसारं यात्राकाले जयशङ्करः यूक्रेनदेशस्य विदेशमन्त्री आन्द्रे सिबिहा तथा पोलैण्डदेशस्य उपप्रधानमन्त्री विदेशमन्त्री च राडोस्लाव सिकोरस्की इत्याभ्यां सह द्विपक्षीयविचारविमर्शं करिष्यति।
विदेशमन्त्रिणः यात्राकाले भारतस्य उभाभ्यां देशाभ्यां सह द्विपक्षीयसम्बन्धानां प्रगतिसाधनस्य अतिरिक्तं क्षेत्रीयघटनाक्रमसम्बद्धेषु विषयेषु तथा साझा हितसम्बद्धेषु विविधविषयेषु विचाराणाम् आदानप्रदानं भविष्यति।
------------
Hindusthan Samachar / Dheeraj Maithani