Enter your Email Address to subscribe to our newsletters
लखनऊ, 02 सितंबरमासः (हि.स.)। उत्तरप्रदेशस्य उपमुख्यमन्त्री केशवप्रसादमौर्यः बुधवासरे राजधानीलखनऊस्थे स्वकीयशिविरकार्यालये जर्मनीदेशस्य उच्चस्तरीयप्रतिनिधिमण्डलेन सह शिष्टाचारमेलनं कृतवान्। अस्यां भेटौ उत्तरप्रदेशस्य जर्मनीदेशस्य च मध्ये विभिन्नक्षेत्रेषु द्विपक्षीयसम्बन्धानां सुदृढीकरणविषये विशेषरूपेण चर्चा अभवत्।
उपवेशने मुख्यरूपेण निवेशः, नवाचारः, कौशलविकासः औद्योगिकसहयोगश्च इत्येतेषु क्षेत्रेषु नवीनसम्भावनानां विषये सार्थकविमर्शः अभवत्। प्रदेशे विकासस्य जीविकायाः च नवीनावसराः सृज्येरन् इत्यस्मिन् विषये अपि विशेषतया विचारः कृतः।
अस्मिन् अवसरे जर्मनीदेशस्य राउनहेमनगरस्य महापौरः डेविडरेण्डलः, इनोवेशनहबराइनमेनस्य मुख्यकार्यकारीअधिकारी स्टीफनविट्टेकाइण्डः, जर्मनइण्डियनबिजनेसअलायन्सस्य मुख्यकार्यकारीअधिकारी निर्मलरमणः तथा जर्मनइण्डियनबिजनेसअलायन्सस्य अध्यक्षः सेल्वाकुमारपेरियासामी इत्यादयः अन्ये प्रतिनिधयः च उपस्थिताः आसन्।
---------------
Hindusthan Samachar / Dheeraj Maithani