नव दिल्ली, 02 सितंबरमासः (हि.स.)।

प्रधानमन्त्री नरेन्द्रमोदी, केन्द्रीयगृहमन्त्री अमितशाह, रक्षामन्त्री राजनाथसिंहः कृषिमन्त्री शिवराजसिंहचौहानः च आन्ध्रप्रदेशस्य उपमुख्यमन्त्री जनसेनापक्षस्य प्रमुखः पवनकल्याणः च जन्मदिवसावसरे शुभकामनाः अयच्छन्। केन्द्रीयनेतारः तस्य स्वस्थस्य दीर्घायुष्ययुक्तस्य च जीवनस्य कामनां कुर्वन्तः आन्ध्रप्रदेशस्य विकासे जनसेवायां च तस्य योगदानस्य प्रशंसाम् अकुर्वन्।

प्रधानमन्त्री नरेन्द्रमोदी पवनकल्याणं जन्मदिवसस्य शुभकामनां प्रदाय अवदत् यत् सः जनसमूहेषु अत्यन्तं सम्मानितः अस्ति तथा च आन्ध्रप्रदेशे राष्ट्रियजनतान्त्रिकगठबन्धनस्य सुशासनस्य कार्यसूच्याः अग्रे प्रसारणे महत्त्वपूर्णां भूमिकां निर्वहति। प्रधानमन्त्री समाजस्य सेवां कुर्वतः तस्य दीर्घस्य स्वस्थस्य च जीवनस्य कामनाम् अकरोत्।

केन्द्रीयगृहमन्त्री सहकारितामन्त्री च अमितशाहः आन्ध्रप्रदेशस्य उपमुख्यमन्त्री पवनकल्याणं जन्मदिवसस्य शुभकामनाः अयच्छत्। सः अवदत् यत् राज्यस्य विकासाय जनकल्याणाय च राष्ट्रियजनतान्त्रिकगठबन्धनस्य दृष्टिकोणस्य साकारीकरणस्य दिशि पवनकल्याणस्य समर्पिताः प्रयासाः प्रशंसनीयाः सन्ति। अमितशाहः नागरिकानां निरन्तरसेवायै तस्य उत्तमस्वास्थ्यस्य कामनाम् अकरोत्।

रक्षामन्त्री राजनाथसिंहः पवनकल्याणं जन्मदिवसस्य शुभकामनाः प्रदाय अवदत् यत् आन्ध्रप्रदेशस्य जनानां सेवां कर्तुं राज्यस्य विकासे च योगदानं दातुं तेन प्रशंसनीयाः प्रयासाः क्रियन्ते। सः जनसेवायां पवनकल्याणस्य दीर्घस्य स्वस्थस्य च जीवनस्य कामनाम् अकरोत्।

केन्द्रीयकृषिमन्त्री शिवराजसिंहचौहानः पवनकल्याणं जन्मदिवसस्य शुभकामनाः प्रदाय अवदत् यत् जनसेवायां विकासे च भवतः प्रतिबद्धता नूनम् प्रशंसनीया प्रेरणादायिनी च अस्ति।

---------------

हिन्दुस्थान समाचार / Dheeraj Maithani