अन्तर्विभागीयसमन्वयेन सम्पूर्णप्रदेशे पोषणजागरूकतायाः जनभागितायाश्च कार्यक्रमाः भविष्यन्ति

रायपुरम्, ०२ सेप्टेम्बरमासः (हि.स.)। छत्तीसगढे राष्ट्रियपोषणमासस्य २०२६ प्रभाविप्रभावी सफलायोजनं प्रति बुधवासरे महिलाबालविकासविभागस्य निदेशालये अन्तरविभागीयसमन्वयसभायाः आयोजनं कृतम्।

सभायां विविधविभागानां सहयोगिसंस्थानां च अधिकारिभिः सहभागित्वं कृत्वा पोषणमासस्य अवधौ आयोजनीयानां गतिविधीनां रूपरेखा, विभागीयसमन्वयः क्षेत्रस्तरे च प्रभाविकार्यान्वयनं प्रति विस्तरेण विचारविमर्शः कृतः।

सभायां सूचितं यत् भारतसर्वकारस्य निर्देशानुसारं प्रदेशे सेप्टेम्बरमासः जनसहभागितया सह राष्ट्रियपोषण-मासरूपेण आचर्यते। अस्मिन् वर्षे पोषणमासस्य मुख्यविषयः “अस्माकम् आङ्गनवाडी, अस्माकं दायित्वम्” इति अस्ति। पोषणाभियानस्य उद्देश्यं बालकानां, महिलानां, गर्भवतीनां शिशुवतीनां मातॄणां किशोरीणां च पोषणस्तरस्य सुधारणेन सह समुदायेषु स्वस्थाहारस्य पोषणसम्बद्ध-व्यवहारस्य च प्रोत्साहनम् अस्ति।

सभायां पोषणमासस्य अवधौ आहारवैविध्यस्य पर्याप्तप्रोटीनसेवनस्य च, आङ्गनवाडिकेन्द्रेषु उष्णं पक्तं च भोजनं, सामुदायिकसहभागितायाः, बालविकासाय पोषणस्य प्रारम्भिकप्रेरणायाश्च तथा प्रधानमन्त्रिमातृवन्दनायोजनायाः माध्यमेन मातृस्वास्थ्याय धनराशेः प्रत्यक्षहस्तान्तरणस्य च विषयेषु विशेषरूपेण गतिविधीः संचालयितुं विषये चर्चा कृता।

अधिकारिभिः विभागीययोजनाः गतिविधयश्च परस्परं संयोज्य अन्तर्विभा-गीयसमन्वयेन पोषणाय जनान्दोलनस्य स्वरूपं दातुं बलं दत्तम्। आङ्गनवाडि-केन्द्राणां, पञ्चायतानां, विद्यालयानां तथा समुदायस्य माध्यमेन पोषणजागरूकतां व्यापकां कर्तुं अधिकाधिकजनानां सहभागितां सुनिश्चितां कर्तुं च निर्देशाः प्रदत्ताः।

सभायां स्वास्थ्यपरिवारकल्याणविभागस्य, पञ्चायतग्रामीणविकासविभागस्य, कृषिविभागस्य, उद्यानिकीविभागस्य, नगरीयप्रशासनविभागस्य, क्रीडायुव-कल्याणविभागस्य, विद्यालयशिक्षा-विभागस्य, जनसम्पर्कविभागस्य, लोक-स्वास्थ्ययान्त्रिकीविभागस्य, खाद्य-नागरिकापूर्तिविभागस्य, अनुसूचित-जातिविकासविभागस्य, आदिमजाति-कल्याणविभागस्य, कौशल-विकास-विभागस्य, राष्ट्रियग्रामीण-जीविका-उपार्जन-अभियानस्य, राष्ट्रियस्वास्थ्य-अभियानस्य, आयुषविभागस्य च सहितं सम्बद्धविभागानां प्रतिनिधयः सम्मिलिताः।

पोषणमासस्य अवधौ समुदायाधारित-गतिविधिषु, पोषणजागरूकतायां डिजिटल-निरीक्षणे च विशेषं ध्यानं दीयते। प्रदेशे पोषण-ट्रैकर इत्यस्य माध्यमेन आङ्गनवाडिकेन्द्राणां विविधपोषण-सूचकानां डिजिटल-निरीक्षणस्य व्यवस्थाऽपि कृता अस्ति।

सभायां अधिकारिभ्यः स्वस्वविभागस्य पक्षतः नोडलाधिकारिणं नामाङ्कितं कृत्वा गतिविधीनां प्रभाविसञ्चालनं परस्पर-समन्वयं च सुनिश्चितं कर्तुं कथितम्, येन पोषणमासस्य सर्वे कार्यक्रमाः निर्धारित-समयसीमायां प्रभाविरूपेण संचालयितुं शक्येरन्।

Hindusthan Samachar / Divya Ranjan