सारणम्, 02 सितंबरमासः (हि.स.)।बिहारस्य भूतपूर्वमुख्यमन्त्रिणः दिवंगतस्य दरोगाप्रसादरायस्य जन्मजयन्त्याः अवसरे बुधवासरे छपरास्थिते दरोगारायचतुष्पथि श्रद्धाञ्जलिकार्यक्रमस्य आयोजनं कृतम्।

अस्मिन् अवसरे सारणस्य जिलाधिकारी वैभवश्रीवास्तवः स्वर्गीयस्य रायस्य प्रतिमायां माल्यार्पणं कृत्वा तस्मै श्रद्धासुमनांसि समर्पितवान्।

कार्यक्रमे जिलापरिषदः अध्यक्षा जयमित्रादेवी, जिलाप्रशासनस्य अधिकारिणः, जनप्रतिनिधयः नागरिकाश्च उपस्थिताः आसन्। उपस्थितैः जनैः स्वर्गीयस्य दरोगाप्रसादरायस्य व्यक्तित्वं, कृतित्वं सार्वजनिकजीवने च तस्य ऐतिहासिकं योगदानं स्मृतम्। अधिकारिभिः परिजनैश्च तस्य जनसेवायाः आदर्शानां सामाजिकसरोकाराणां च स्मरणं कृत्वा तस्मै श्रद्धाञ्जलिः समर्पितः।

Hindusthan Samachar / Dheeraj Maithani