हाथरसः, 02 सितंबरमासः (हि.स.)।

उत्तरप्रदेशस्य हाथरस् जनपदस्य सादाबादतहसीलपरिसरे स्वकीयानां विविधमागणानां समर्थनं कुर्वतां कृषकाणां धरना प्रायः चतुर्विंशतिदिनात् निरन्तरं प्रचलति। कृषकाणां कथनमस्ति यत् ते दीर्घकालात् स्वसमस्यानां समाधानस्य मागं कुर्वन्तः धरनायाम् उपविष्टाः सन्ति, किन्तु अद्यावधि तेषां मागेषु अपेक्षितं कार्यं न जातम्।

बुधवासरे धरनास्थले कृषकैः स्वयमेव स्वच्छताभियानं सञ्चालितम्। भारतीयकृषकयूनियनस्य राकेशटिकैतस्य मण्डलोपाध्यक्षः चौधरीचन्द्रेशः अवदत् यत् गुरुवासरे कृषकसङ्गठनस्य राष्ट्रियाध्यक्षः राकेशटिकैतः तहसीलपरिसरम् आगन्तुं शक्नोति। तस्य आगमनस्य दृष्ट्या धरनास्थलस्य समीपस्थपरिसरस्य च स्वच्छता कृता, येन कार्यक्रमः सुव्यवस्थितरूपेण आयोजयितुं शक्येत।

कृषकैः उक्तं यत् राष्ट्रियाध्यक्षस्य राकेशटिकैतस्य समक्षं ते स्वकीयाः सर्वाः प्रमुखाः समस्याः मागाश्च स्थापयिष्यन्ति। कृषकानां आशा अस्ति यत् तेषां राष्ट्रियनेता सर्वकारस्य समक्षं कृषकाणां समस्याः दृढतया स्थापयिष्यति तथा च मागानां समाधानाय सर्वकारे दबावं निर्मास्यति।

धरनायाम् उपविष्टाः कृषकाः अवदन् यत् ते शान्तिपूर्णरीत्या स्वकीयां वाणीं प्रकाशयन्तः सन्ति। यावत् तेषां समस्याः उचितरूपेण न समाधीयन्ते, तावत् तेषाम् आन्दोलनं निरन्तरं प्रचलिष्यति। अधुना कृषकाणां दृष्टिः राकेशटिकैतस्य आगमने तस्य सम्बोधने च केन्द्रिता अस्ति।

---------------

Hindusthan Samachar / Dheeraj Maithani