नवदिल्ली, २० सेप्टेम्बरमासः (हि.स.)। राष्ट्रपतिः द्रौपदीमुर्मुः, लोकसभाध्यक्षः ओमबिरला, रक्षामन्त्री राजनाथसिंहः इत्यादयः बहवः नेतारः रविवासरे एशियाक्रीडा २०२६ मध्ये भारताय प्रथमं पदकं प्राप्तवतीभ्यः महिला-क्रीडाभ्यः हार्दिकाः बधाईः शुभकामनाश्च दत्तवन्तः। एताः क्रीडिकाः १० मीटर-वायुराइफल-महिलादलस्पर्धायां रजतपदकं विजितवत्यः।

राष्ट्रपतिः मुर्मुः सामाजिकमाध्यमे ‘एक्स’ इत्यत्र लिखितवती, “एशियाक्रीडा २०२६ मध्ये महिलानां १० मीटर्-वायुराइफल्-दलस्पर्धायां रजतपदकविजयाय इलावे-निलवलरिवन्, विदर्शा के. विनोद तथा सोनम उत्तम मस्कर इत्याभ्यः हार्दिकाः शुभकामनाः। भवतीनां एषा शानदारा उपलब्धिः एतासु क्रीडासु भारतस्य पदकखातं उद्घाटितवती तथा च देशस्य गौरवं वर्धितवती। भवतीनां निरन्तरसफलतायै मम शुभकामनाः।”

ओमबिरलः अवदत् यत् एषा उपलब्धिः तदा अधिकं विशेषा भवति, यदा इलावेनिलवलरिवन् महिलानां १० मीटर-वायुराइफल-वैयक्तिकस्पर्धायाम् अपरं रजतपदकमपि विजितवती। एतत् बृहति क्रीडामञ्चे तस्याः निरन्तरं उत्कृष्टप्रदर्शनस्य, संयमस्य तथा विश्वस्तरीयस्य सटीकत्वस्य प्रमाणम् अस्ति।

राजनाथसिंहः अवदत् यत् भारतीयमहिलादलस्य अस्याः सफलतया देशः अत्यन्तं गौरवान्वितः अस्ति तथा भारतस्य क्रीडायात्रायां एकः अन्यः अध्यायः संयोजितः अस्ति।

केन्द्रीयगृहमन्त्री तथा सहकारितामन्त्री अमितशाहः अवदत् यत् भारतम् एशियाक्रीडासु रजतपदकं विजित्य पदकखातम् उद्घाटितवान्। १० मीटर-वायुराइफल-महिलादलस्पर्धायां रजतपदकविजयाय इलावेनिलवलरिवन्, सोनम उत्तम मस्कर तथा विदर्शा के. विनोद इत्याभ्यः भविष्यस्य प्रतियोगितासु सफलतायै शुभकामनाः।

उल्लेखनीयं यत् इलावेनिलवलरिवन्, सोनम मस्कर तथा विदर्शा के. विनोद इत्येताभिः भारतीयक्रीडिकाभि: रविवासरे २०२६ तमासु एशियाक्रीडासु भारताय प्रथमं पदकं प्राप्तम्। भारतीयदलेन १० मीटर-वायुराइफल-महिलादलस्पर्धायां रजतपदकं विजितम्।

Hindusthan Samachar / Divya Ranjan