लखनऊम्, २० सितम्बरमासः। उत्तरप्रदेशस्य मुख्यमन्त्रिणा योगिना आदित्यनाथेन सह रविवासरे राष्ट्रियलोकदलस्य उत्तरप्रदेशस्य प्रदेशाध्यक्षः ऐश्वर्यराजसिंहः शिष्टाचारमेलनं कृतवान्।

अस्मिन्नवसरे उभयोः नेतृणोः मध्ये प्रदेशसम्बद्धेषु विविधेषु सामाजिकेषु, आर्थिकेषु, राजनैतिकेषु च विषयेषु तथा कृषकाणां, श्रमिकाणां, महिलासशक्तीकरणस्य युवजनसम्बद्धानां च महत्त्वपूर्णविषयाणां विषये सार्थकः सकारात्मकश्च संवादः अभवत्।

वार्तायां प्रदेशस्य कृषकाणां श्रमिकाणां च हितसम्बद्धेषु विषयेषु, ग्रामीणार्थव्यवस्थायाः सुदृढीकरणे, युवभ्यः रोजगारस्य कौशलविकासस्य च अवसरानां वर्धने, महिलानां सामाजिकरूपेण आर्थिकरूपेण च सशक्तीकरणे तथा प्रदेशस्य समग्रविकाससम्बद्धेषु विषयेषु विचारविमर्शः कृतः।

ऐश्वर्यराजसिंहः अवदत् यत् राष्ट्रीयलोकदलः चौधरीचरणसिंहस्य विचारधारया प्रेरितः सन् कृषकाणां, श्रमिकाणां, युवजनानां, महिलानां तथा समाजस्य सर्वेषां वर्गाणां हिताय सम्मानाय च प्रतिबद्धः अस्ति। प्रदेशस्य प्रगतेः समृद्धेश्च कृते सर्वेषां वर्गाणां सक्रियसहभागिता आवश्यकी अस्ति।

मुख्यमन्त्रिणा योगिना आदित्यनाथेन सह एषा संगोष्ठी सौहार्दपूर्णे सकारात्मकवातावरणे सम्पन्ना। अस्मिन् अवसरे प्रदेशस्य विकासेन जनहितेन च सम्बद्धेषु विषयेषु निरन्तरसंवादस्य सहकारभावनायाश्च विषयेऽपि चर्चा अभवत्।

Hindusthan Samachar / Dheeraj Maithani