Enter your Email Address to subscribe to our newsletters
बलौदाबाजार, 20 सितंबरमासः (हि. स.)। जिलाप्रशासनेन दिव्याङ्गजनेभ्यः निःशुल्कसहायकसाधनानां वितरणार्थं शिविरस्य आयोजनं करिष्यते। एतत् शिविरम् एडीआईपी योजनायाः अन्तर्गतं भारतीयकृत्रिमाङ्गनिर्माणनिगमस्य एलिम्कोसंस्थायाः दलद्वारा २१ सितम्बर २०२६ दिनाङ्के नगरभवने, भाटापारानगरे आयोजितं भविष्यति।
शिविरे दिव्याङ्गजनेभ्यः निःशुल्कसहायकसाधनानां, यथा कृत्रिमाङ्गानां, कैलिपर्स्, त्रिचक्रिकायाः, चक्रिकासन्दानस्य, विद्युद्वाहित्रिचक्रिकायाश्च चिन्हाङ्कनं मूल्याङ्कनं च करिष्यते। शिविरं प्रातः १० वादनतः सायं ४ वादनपर्यन्तं नगरभवने, भाटापारानगरे आयोजितं भविष्यति।
अस्य शिविरस्य उद्देशः एडीआईपी योजनायाः अन्तर्गतं दिव्याङ्गजनेभ्यः निःशुल्कसहायकसाधनानां, यथा कृत्रिमाङ्गानां, कैलिपर्स्, त्रिचक्रिकायाः, चक्रिकासन्दानस्य, विद्युद्वाहित्रिचक्रिकायाः च वितरणम् अस्ति।
जनपदपञ्चायत् भाटापारान्तर्गतं सर्वेषु ग्रामेषु ग्रामपञ्चायतेषु च सरपञ्चानां सचिवानां च सहकारितया कोटवारैः ग्रामेषु घोषणां कारयित्वा जनानां कृते संसूचना प्रदीयते। दिव्याङ्गजनाः अधिकाधिकसंख्यया उपस्थिताः भूत्वा अस्य निःशुल्कवितरणशिविरस्य लाभं स्वीकर्तुं शक्नुवन्ति।
---------------
Hindusthan Samachar / Dheeraj Maithani