Enter your Email Address to subscribe to our newsletters
रायपुरम्, २० सितम्बरमासः। भारतीयजनतापक्षस्य प्रदेशप्रवक्ता देवलालठाकुरः प्रधानमन्त्री नरेन्द्रमोदिनः जन्मदिवसस्य तथा शासनप्रमुखरूपेण सुशासनस्य जनसेवायाश्च पञ्चविंशतिवर्षाणां पूर्तेः उपलक्ष्ये शुभकामनाः प्रदाय अवदत् यत् श्रीमोदिनः पञ्चविंशतिवर्षीयः कार्यकालः देशस्य निर्धनानां, कृषकाणां, श्रमिकाणां युवजनानां च कल्याणाय समर्पितः अभवत्।
सः अवदत् यत् अष्टतिस्रकोटिनागरिकेभ्यः निःशुल्कान्नसुरक्षा, ‘आयुष्मानभारत’ योजनया पञ्चलक्षरूप्यकपर्यन्तं निःशुल्कचिकित्सासुविधा तथा ‘प्रधानमन्त्रीआवासयोजनया’ पक्कगृहप्राप्तेः स्वप्नस्य साकारता इत्येतानि प्रमाणानि सन्ति यत् मोदीसर्वकारस्य प्रत्येकस्य नीतिकार्यस्य केन्द्रबिन्दुः निर्धनकल्याणम् अस्ति।
भाजपाप्रवक्ता ठाकुरः रविवासरे अवदत् यत् सम्पूर्णे देशे ‘सेवासङ्कल्पाभियानस्य’ अन्तर्गतं विविधाः सेवाकार्यक्रमाः आयोज्यन्ते। ‘सेवासङ्कल्पाभियानस्य’ अन्तर्गतं रायपुरग्रामीणक्षेत्रस्य विभिन्नेषु मण्डलेषु निःशुल्कस्वास्थ्यपरीक्षणशिबिराणि, दिव्याङ्गजनेभ्यः सहायकसाधनानां वितरणम्, स्वच्छताभियानं फलवितरणं च इत्यादयः मानवीयाः कार्यक्रमाः आयोज्यन्ते। सः जनान् कार्यकर्तॄंश्च राष्ट्रनिर्माणस्य अस्मिन् महायज्ञे सक्रियसहभागितां कर्तुम् आग्रहं कृतवान्।
Hindusthan Samachar / Dheeraj Maithani