सहरसा, 20 सितंबरमासः (हि.स.)।

राष्ट्रियस्वयंसेवकसङ्घस्य शतवर्षपूर्तेः उपलक्ष्ये रविवासरे डी. बी. मार्गस्थिते पूजाविश्रामगृहे युवासम्मेलनम् आयोजितम्। अस्मिन् सम्मेलने नवमकक्षातः स्नातकस्तरपर्यन्तं बहुसंख्यकाः छात्राः छात्राश्च सम्मिलिताः।

अस्मिन्नवसरे मुख्यशिक्षकेन विष्णुकान्तमिश्रेण सञ्चालनं कुर्वता योगव्यायामस्य विकसितभारतस्य निर्माणाय च युवसमूहेषु गहनचर्चा आयोजिता। नगरकार्यवाहेण श्रवणकुमारेण शारीरिकयोगव्यायामश्च कारितः। तत्र सामूहिकगीतयोः ‘जागृतोऽस्ति जनगणमनः, निश्चितं भविष्यति परिवर्तनम्’ तथा ‘देशः अस्मभ्यं सर्वं ददाति, वयमपि किञ्चित् दातुं शिक्षेमहि’ इत्यनयोः गायनं कृतम्। विभागप्रचारकेण सुमितकुमारेण युवभ्यः बौद्धिकमार्गदर्शनं प्रदत्तम्।

सः अवदत् यत् देशहिताय अस्माभिः शरीरमनसोः बुद्धेः विवेकस्य च पूर्णतया सदुपयोगः करणीयः। कुविचारैः मनुष्यस्य जीवनं दुष्चक्रे पतति। अनुचितनिर्णयेन अनुचितमार्गस्य अनुसरणेन च जीवनस्य दिशाऽपि विपरीता भवितुमर्हति। सर्वैः मिलित्वा सह गच्छद्भिः निःस्वार्थभावेन कार्यं करणं विकसितभारतस्य निर्माणाय आवश्यकम् अस्ति।

सः अवदत् यत् देशभक्तिः अस्य देशस्य प्राचीना परम्परा अस्ति। राष्ट्रीयस्वयंसेवकसङ्घः विगतेषु शतवर्षेषु व्यक्तीनां संस्कारनिर्माणस्य कार्ये निरन्तरं संलग्नः अस्ति। प्रबला देशभक्तिः सर्वेषां समस्याणां समाधानस्य माध्यमम् अस्ति। सः अवदत् यत् यावत् सामान्यनागरिकेषु देशभक्तिभावना न जागरिता भवति, तावत् देशः न सुदृढः भवितुं शक्नोति, न आत्मनिर्भरः भवितुं शक्नोति, न च विश्वे श्रेष्ठस्थानं प्राप्तुं शक्नोति। देशभक्तेः भावनां जागरयितुं राष्ट्रीयस्वयंसेवकसङ्घः मनसा वाचा कर्मणा च प्रयत्नशीलः अस्ति।

सः अवदत् यत् सङ्घस्य शताब्दीवर्षे जनपदस्य सर्वेषु पञ्चायतेषु सङ्घस्य कार्यं विस्तारितं करिष्यते। अस्य कार्यस्य कृते पूर्णकालिकानां, अल्पकालिकानां तथा अंशकालिकानां कार्यकर्तॄणाम् आवश्यकता अस्ति। सः अवदत् यत् नवसंततिः देशस्य मेरुदण्डः अस्ति। यूनां समूहः एव सङ्घेन शताब्दीवर्षे निर्धारितानां पञ्चपरिवर्तनविषयाणां सन्देशं जनजनं प्रति नेतुं महत्त्वपूर्णं कार्यं कर्तुं शक्नोति।

Hindusthan Samachar / Dheeraj Maithani