भोपालम्, २० सेप्टेम्बरमासः (हि.स.)। मध्यप्रदेशस्य मुख्यमन्त्री डॉ. मोहनयादवः रविवासरे देवासमार्गस्थिते वीवीआईपी-अतिथिगृहे बिहारतः उज्जयिनीम् आगतेन १६-सदस्यीयेन सामाजिकमाध्यमप्रभाव-कदलनेन सह संवादं कृतवान्। एतत् दलम् उज्जयिन्याः प्रमुखधार्मिक-ऐतिहासिक-पर्यटनस्थलानां भ्रमणं कृत्वा नगरे प्रचलितानां विकासकार्याणां, सिंहस्थस्य सिद्धतानां तथा उज्जयिन्याः सांस्कृतिक-परम्परां च समीपतः ज्ञातुम् अवसरं प्राप्स्यति।

अस्मिन् अवसरे मुख्यमन्त्री डॉ. यादवः युवा-प्रभावकैः सह उज्जयिन्याः प्राचीन-ऐतिहासिक-सांस्कृतिकधरोहर-सम्बद्धविषयेषु संवादं कृत्वा तान् प्रश्नान् अपि पृष्टवान्। सः विभिन्नानां महत्त्व-पूर्णानाम् ऐतिहासिकतथ्यानां स्थलानां च विषये सूचनाम् अपि अददात्। प्रभावकदलाय उज्जयिन्याम् निर्माणा-धीनस्य वीरभारत-सङ्ग्रहालयस्य, सर्पोद्यानस्य, महाकाल-महाकालोकस्य तथा सिंहस्थ-२०२८-निमित्तं प्रचलितानां निर्माणकार्याणां विषये सः विस्तरेण अवदत्।

सः अवदत् यत् वीरभारतसङ्ग्रहालये प्राचीनकालात् आधुनिकभारतपर्यन्तं महतां नायकानां गौरवगाथाः एकत्र द्रष्टुं ज्ञातुं च अवसरः प्राप्स्यते। सङ्ग्रहालये भारतस्य समृद्धा ऐतिहासिकपरम्परा, वैदिककालः, रामायण-महाभारतयोः कालः, विक्रमादित्यकालः आरभ्य स्वतन्त्रतासङ्ग्रामपर्यन्तं महत्त्वपूर्णाः घटनाः राष्ट्रनायकानां योगदानं च समग्ररूपेण प्रस्तुतानि भविष्यन्ति। अनेन नववंश: भारतस्य गौरवशालिनम् इतिहासं राष्ट्रनिर्माणे महतां व्यक्तित्वानां योगदानं च ज्ञातुम् अवसरं प्राप्स्यति।

मुख्यमन्त्रिणा प्रभावकदलाय उज्जयि-न्याम् निर्माणाधीनस्य सर्पोद्यानस्य विषये सूचनां दत्त्वा अवदत् यत् उज्जयिनीं ‘सर्पमित्रनगरी’रूपेण विकसितुं दृष्टिकोणः स्वीकृतः अस्ति। सर्पोद्यानं केवलं पर्यटनकेन्द्रं न भविष्यति, अपि तु सर्पाणां संरक्षणस्य, तेषां प्राकृतिकमहत्त्वस्य तथा पर्यावरणीयसन्तुलने तेषां भूमिकायाः विषये जनजागरूकतां वर्धयितुं महत्त्वपूर्णं माध्यमं भविष्यति। सः अवदत् यत् प्रकृतेः जैवविविधतायाः च संरक्षणे प्रत्येकस्य जीवस्य स्वकीयम् महत्त्वपूर्णं योगदानम् अस्ति। सर्पेषु विषये समाजे विद्यमानानां भ्रान्तीनां निवारणं कृत्वा तेषां संरक्षणस्य पर्यावरणे च तेषां योगदानस्य विषये सामान्यजनान् अवगतं कारयितुम् अपि आवश्यकम् अस्ति।

सः बिहारतः आगतान् युवा-सामाजिक-माध्यमप्रभावकान् उज्जयिन्याः ऐतिहासिक-आध्यात्मिकमहत्त्वेन सह श्रीमहाकालमहाकालोकस्य विषये अपि सूचनाम् अददात्। सः उज्जयिन्याः प्राचीनपरम्पराभिः, धार्मिक-सांस्कृतिक-परम्परया तथा भगवत: महाकालस्य नगर्याः रूपेण तस्याः विशिष्टेन परिचयेन च तान् परिचितान् अकारयत्।

Hindusthan Samachar / Divya Ranjan