नवदिल्ली, २१ सेप्टेम्बरमासः (हि.स.)। राष्ट्रपतिः द्रौपदी मुर्मू तथा रक्षामन्त्री राजनाथसिंहः सोमवासरे एशियाई-क्रीडास्पर्धायां पुरुषाणां १० मीटर-वायुराइफल-व्यक्तिगतस्पर्धायां क्रमशः रजत-कांस्यपदकयोः विजेतृभ्यः हार्दिकं अभिनन्दनं शुभकामनाश्च प्रदत्तवन्तौ।

राष्ट्रपतिः मुर्मू सामाजिकमाध्यमे ‘एक्स’ इत्यत्र लिखितवती— “एशियाई-क्रीडास्पर्धा-२०२६ मध्ये पुरुषाणां १० मीटर-वायुराइफल-दलस्पर्धायां रजतपदकं विजितवद्भ्यः रुद्राक्षबाला-साहेबपाटिलाय, पार्थराकेशमाने तथा हिमांशुधिल्लोनाय च हार्दिक्य: शुभकामनाः। भवतां सटीकता उत्कृष्टं प्रदर्शनं च देशस्य गौरवं वर्धितवन्तौ। भविष्ये अधिकाः सफलताः प्राप्यन्ताम् इति मम शुभकामनाः।”

रक्षामन्त्री राजनाथसिंहः अवदत् यत् विजेतॄणां सटीकता, अनुशासनं समर्पणं च देशस्य गौरवं वर्धितवन्ति। आगामिषु कालेषु ते अधिकाः सफलताः प्राप्नुयुः इति तेषां कृते शुभकामनाः।

उल्लेखनीयं यत् भारतीयौ लक्ष्यभेदकौ हिमांशुधिल्लोनः रुद्राक्षपाटिलः च सोमवासरे २०२६-तमस्य वर्षस्य एशियाई-क्रीडास्पर्धायां पुरुषाणां १० मीटर-वायुराइफल्-व्यक्तिगतस्पर्धायां क्रमशः रजतं कांस्यं च पदकं प्राप्तवन्तौ। चीनदेशस्य शेङ्ग् लिहाओ इत्यनेन निकटस्पर्धायां स्वर्णपदकं विजितम्। रुद्राक्षेण अन्तिमस्पर्धायां उत्कृष्टः आरम्भः कृतः।

Hindusthan Samachar / Divya Ranjan