बंगाईग्रामः (असमः), 21 सितम्बरमासः (हि.स.)।

नगरराजभाषाकार्यान्वयनसमित्याः बङ्गाईगांव इत्यस्य तत्त्वावधाने इण्डियन ऑयल कॉर्पोरेशन लिमिटेड इत्यस्य बङ्गाईगांवशोधनागारेण हिन्दीपाक्षिकोत्सवस्य २०२६ इत्यस्य अन्तर्गतं जयपुरस्य हिन्दीस्थानप्रकाशनस्य सहकारेण अद्य प्रशासनभवनस्य बी प्रखण्डे हिन्दीग्रन्थप्रदर्शन्याः भव्यः कार्यक्रमः आयोजितः। प्रदर्शन्याः उद्घाटनं बङ्गाईगांवशोधनागारस्य कार्यकारीनिदेशकः तथा शोधनागारप्रमुखः, नगरराजभाषाकार्यान्वयनसमित्याः बङ्गाईगांव इत्यस्य अध्यक्षः च नयनकुमारबरुवा इत्यनेन कृतम्।

अस्याः प्रदर्शन्याः उद्देश्यं बङ्गाईगांवशोधनागारस्य कर्मचारिषु तेषां परिवारजनेषु च हिन्दीभाषायाः साहित्यस्य च प्रति रुचिं जागरूकतां पठनपाठनसंस्कृतेः च प्रोत्साहनम् अस्ति। प्रदर्शन्यां साहित्यं, प्रबन्धनम्, विज्ञानम्, प्रौद्योगिकी, व्यक्तित्वविकासः प्रेरणादायकविषयाश्च सम्बद्धाः अनेकाः उपयोगिन्यः हिन्दीग्रन्थाः प्रदर्शिताः, येषां प्रति दर्शकानां विशेषं ध्यानम् आकर्षितम्।

अस्मिन् अवसरे स्वीयसम्बोधने बरुवा इत्यनेन उक्तं यत् हिन्दी अस्माकं देशस्य सांस्कृतिकायाः भाषिक्याश्च एकतायाः महत्त्वपूर्णा आधारशिला अस्ति। तेन कर्मचारिभ्यः स्वकीयेषु दैनिककार्येषु व्यवहारे च हिन्दीभाषायाः अधिकाधिकप्रयोगाय आह्वानं कुर्वता उक्तं यत् राजभाषायाः हिन्दीभाषायाः प्रचारप्रसाराय सर्वेषां सक्रियं योगदानं दातव्यम्। तेन नगरराजभाषाकार्यान्वयनसमित्या बङ्गाईगांव इत्यनया हिन्दीभाषायाः प्रोत्साहनाय क्रियमाणानां प्रयासानां प्रशंसा कृता तथा कर्मचारिणः हिन्दी साहित्यस्य अध्ययनाय हिन्दीभाषायां सृजनात्मकलेखनाय च प्रेरिताः।

तेन उक्तं यत् एतादृश्यः पुस्तकप्रदर्शन्यः न केवलं हिन्दीभाषायाः संवर्धने सहायिकाः भवन्ति, अपि तु समाजे पठनसंस्कृतेः सुदृढीकरणे अपि महत्त्वपूर्णां भूमिकां निर्वहन्ति। बङ्गाईगांवशोधनागारं राजभाषायाः हिन्दीभाषायाः प्रचारप्रसारस्य क्षेत्रे सदैव अग्रणी अस्ति तथा अयम् आयोजनः तस्यैव दिशि महत्त्वपूर्णः प्रयासः अस्ति।

प्रदर्शन्याः कर्मचारिभिः अन्यैः आगन्तुकैश्च उत्साहपूर्वकं अवलोकनं कृतम्। कार्यक्रमस्य समये उपस्थितैः अधिकारिभिः कर्मचारिभिश्च प्रदर्शितेषु ग्रन्थेषु गहनरुचिः प्रदर्शिता तथा अस्याः पहलस्य प्रशंसा कृता।

उल्लेखनीयं यत् हिन्दीपाक्षिकोत्सवस्य २०२६ इत्यस्य अन्तर्गतं आयोजिता एषा हिन्दीग्रन्थप्रदर्शनी केवलं बङ्गाईगांवशोधनागारपरिसरे एव सीमिता न भविष्यति, अपि तु नगरराजभाषाकार्यान्वयनसमित्याः बङ्गाईगांव इत्यस्य तत्त्वावधाने केन्द्रीयविद्यालये कोकराझारे, केन्द्रीयविद्यालये न्यू बङ्गाईगांव इत्यत्र, जवाहरनवोदयविद्यालये चिराङ्गे, जवाहरनवोदयविद्यालये कोकराझारे, आदर्शविद्यालये सिडली इत्यत्र, आदर्शविद्यालये बिजनी इत्यत्र, पर्यवेक्षकप्रशिक्षणकेन्द्रे न्यू बङ्गाईगांव इत्यत्र तथा सशस्त्रसीमाबले बङ्गाईगांव इत्यत्र अपि आयोजिता भविष्यति। एतेन हिन्दीभाषायाः साहित्यस्य च प्रचारप्रसारः व्यापकस्तरे प्रोत्साहितुं शक्यते।

Hindusthan Samachar / Dheeraj Maithani