रीवा, २१ सेप्टेम्बरमासः (हि.स.)। मध्यप्रदेशे आचर्यमाणस्य कृषिवर्ष-२०२६-स्य अन्तर्गतं कृषिं लाभदायकं व्यवसायं कर्तुं सर्वकारेण सञ्चाल्यमानानां योजनानां विषये कृषकान् सूचयितुं तथा प्राकृतिककृषेः प्रोत्साहनाय सोमवासरे बलरामकृषिमहोत्सवस्य आयोजनं क्रियते।

कृषिउपनिदेशकः यू.पी. बागरी अवदत् यत् कार्यक्रमः पूर्वाह्णे ११:३० वादनतः कृषिउपजमण्डी करहियायां प्रारप्स्यते। कृषिमहोत्सवे सम्मिलितान् कृषकान् मुख्यमन्त्री डॉ. मोहनयादवः आभासीय-माध्यमेन सम्बोधयिष्यति। सम्मेलने राज्यसहकारी-एपेक्स-धनागारस्य प्रशासकः महेन्द्रसिंहयादवः अपि सम्बोधयिष्यति। उपनिदेशकः कृषकान् सम्मेलने भागं गृहीत्वा तस्य लाभं स्वीकर्तुं आह्वानं कृतवान्।

Hindusthan Samachar / Divya Ranjan