नव दिल्ली, 21 सितंबरमासः (हि.स.)।

केन्द्रीयः नवीननवीकरणीयशक्तिराज्यमन्त्री श्रीपाद येसो नाइकः सोमवासरे उक्तवान् यत् सोलर एनर्जी कॉर्पोरेशन ऑफ इंडिया लिमिटेड अर्थात् एसईसीआई स्वच्छशक्तिलक्ष्यस्य प्राप्तौ केन्द्रीयां भूमिकां निरन्तरं निर्वक्ष्यति। श्रीपाद येसो नाइकः नवदिल्ल्यां एसईसीआई इत्यस्य पञ्चदशतमस्थापनादिवसस्य अवसरे आयोजितायां हितधारकाणां सभायाम् एतत् उक्तवान्।

नाइकः मुख्यातिथिरूपेण सम्बोधयन् उक्तवान् यत् सोलर एनर्जी कॉर्पोरेशन ऑफ इंडिया लिमिटेड इत्यस्य पञ्चदशवर्षीयः प्रवासः वैश्विकस्तरे अक्षयशक्तिक्षेत्रे भारतस्य वर्धमानं नेतृत्वं तथा स्थायिशक्तिभविष्यं प्रति देशस्य प्रतिबद्धतां प्रतिबिम्बयति। नाइकः उक्तवान् यत् एसईसीआई इत्यनेन देशस्य स्वच्छशक्तिदृष्टिकोणः निरन्तरं साकारं कृतः अस्ति। सः विश्वासं प्रकटितवान् यत् निगमः तस्य प्राप्तेः दिशि केन्द्रीयां भूमिकाम् अपि निरन्तरं निर्वक्ष्यति।

कार्यक्रमे नवीकरणीयशक्तिक्षेत्रस्य अन्यैः वरिष्ठाधिकारिभिः सह सीईए इत्यस्य अध्यक्षः घनश्यामप्रसादः, मन्त्रालयस्य अपरः सचिवः मयङ्कतिवारी तथा आईएनओएक्सजीएफएलसमूहस्य अध्यक्षः विवेकजैनः अपि उपस्थिताः आसन्।

एसईसीआई इत्यनेन स्वस्य पञ्चदशवर्षीयसेवाकाले राष्ट्राय महत्त्वपूर्णं योगदानं कृतम् अस्ति। अस्मिन् अवधौ कम्पनीया तृतीयपक्षीयविकासकानां साहाय्येन ४१ गीगावाट् अधिका नवीकरणीयशक्त्युत्पादनक्षमता स्थापिता अस्ति। एतदतिरिक्तं कम्पनीया विभिन्नैः विद्युत्वितरणकम्पनीभिः उपभोक्तृभिश्च सह ६७ गीगावाट् अधिकानां विद्युत्क्रयविक्रयसम्झौतानि कृतानि सन्ति तथा प्रायः ३.६ लक्षकोटिरूप्यकाणां विपणिनिवेशः सक्षमः कृतः अस्ति।

एतदतिरिक्तं कम्पनी स्वकीयपरियोजनासमूहस्य अपि तीव्रगत्या विस्तारं करोति तथा ऊर्जासञ्चयनस्य, हरितहाइड्रोजनस्य सम्बन्धितक्षेत्राणां च प्रोत्साहने सक्रियतया कार्यं करोति। २० सितम्बर २०११ दिनाङ्के निगमिता एसईसीआई नवरत्नश्रेण्याः केन्द्रीयसार्वजनिकक्षेत्रीयसंस्था अस्ति, या नवीननवीकरणीयशक्तिमन्त्रालयस्य अधीना वर्तते।

-------------

Hindusthan Samachar / Dheeraj Maithani