Enter your Email Address to subscribe to our newsletters
वाराणसी, 21 सितंबरमासः (हि.स.)। आगामिसप्तदशदिनाङ्कात् अक्टोबरमासात् प्रारभ्यमाणस्य दुर्गापूजामहोत्सवस्य सन्दर्भे वाराणस्याः बङ्गालीटोला क्षेत्रस्य गोल्डन स्पोर्टिङ्ग क्लबस्य सदस्यैः सोमवासरे उपवेशनम् आयोजितम्। उपवेशने भगवत्याः दुर्गायाः भव्यपूजनोत्सवस्य सज्जतां प्रति गोल्डन स्पोर्टिङ्ग क्लबस्य पदाधिकारिभिः सदस्यैश्च स्वकीयाः आवश्यकाः परामर्शाः प्रस्तुताः।
अस्मिन् अवसरे कैण्टविधानसभाक्षेत्रस्य विधायकः सौरभश्रीवास्तवः उक्तवान् यत् गोल्डन स्पोर्टिङ्ग क्लबस्य भगवतीदुर्गायाः पूजनोत्सवस्य भव्यतायां कापि न्यूनता न भविष्यति। क्लबस्य कार्यदलस्य सह अस्य उत्सवस्य आयोजने सम्पूर्णा सहकारिता भविष्यति।
विधायकः सौरभश्रीवास्तवः उक्तवान् यत् भारतीयजनतापक्षस्य सर्वकारः श्रद्धया, परम्परया संस्कृत्या च सम्बद्धान् एतादृशान् सर्वान् आयोजनोत्सवान् सुव्यवस्थितान् भव्यांश्च कर्तुं प्रतिबद्धः अस्ति। गोल्डन स्पोर्टिङ्ग क्लबस्य पूजनोत्सवे समागतानां सर्वासां विघ्नबाधानां निवारणाय पूर्णसंवेदनशीलतया कार्यं करिष्यते।
काश्याः प्राचीना परम्परा अस्मिन् पूजनोत्सवकार्यक्रमे सम्बद्धा अस्ति। भगवत्याः दुर्गायाः कृपया काश्याः सनातनपरम्परायाः भक्तेश्च अयं महोत्सवः अस्मिन् वर्षे अधिकं भव्यः दिव्यश्च भविष्यति। वयं सर्वे भगवतीदुर्गायाः भक्ताः मनसि अपारां श्रद्धाम् उत्साहं च धारयामः।----------
Hindusthan Samachar / Dheeraj Maithani