धामतः ‘वसुधैव कुटुम्बकम्’ इति घोषः, प्रेमकरुणाभ्रातृत्वस्य च सन्देशः

वाराणसी, २१ सितम्बरमासः (हि.स.)। अन्ताराष्ट्रियशान्तिदिवसस्य २१ सितम्बर इत्यस्य अवसरस्य उत्तरप्रदेशस्य धार्मिकनगरी वाराणस्यां स्थितात् बाबा श्रीकाशीविश्वनाथधामतः सम्पूर्णविश्वे शान्तेः, सौहार्दस्य मानवतायाः कल्याणस्य च आह्वानं कृतम्। काश्याः पवित्रधरणीतः बाबा विश्वनाथस्य दरबारे वैश्विकशान्त्यै, भ्रातृत्वाय तथा विविधसन्तापेभ्यः मुक्तये प्रार्थना कृता।

नमामि गङ्गे काशीक्षेत्रस्य स्वयंसेवकानां संयोजनेन श्रीकाशीविश्वनाथधामे प्रतिष्ठितायाः भारतमातुः प्रतिमायाः समक्षं ‘सर्वे भवन्तु सुखिनः’ इति प्रार्थना कृता। सम्पूर्णविश्वे शान्तेः, अहिंसायाः परस्परसौहार्दस्य च संवर्धनाय भगवान् शिवं प्रति प्रार्थना कृता।

अस्मिन् अवसरे कार्यक्रमस्य संयोजकेन गङ्गासेवकेन राजेशशुक्लेन उक्तं यत् भारतीयसंस्कृतेः आध्यात्मिककेन्द्ररूपेण काशी प्राचीनकालादेव ‘सर्वे भवन्तु सुखिनः’ इति सन्देशं प्रददाति। मानवतायाः कल्याणाय युद्धेन, हिंसया अशान्त्या च पीड्यमानाय विश्वाय बाबा विश्वनाथस्य धामतः करुणायाः, संयमस्य सहअस्तित्वस्य च मार्गम् अनुसर्तुं सन्देशः प्रदत्तः।

शान्तिप्रार्थनायां शिवानन्ददीक्षितः, विश्वनाथधवनः, रेखादीक्षितः, श्रीनिवासः, अन्नपूर्णादेवी, विकासकुमारः इत्यादयः उपस्थिताः आसन्।

Hindusthan Samachar / Dheeraj Maithani