शिमला, 22 सितंबरमासः (हि.स.)। शिमलानिवासी तथा देहलीउच्चतरन्यायिकसेवायां प्रधानः जिलान्यायाधीशः सत्रन्यायाधीशश्च दिनेशभट्टः (५७) राष्ट्रपतिना देहलीउच्चन्यायालयस्य अतिरिक्तन्यायाधीशरूपेण नियुक्तः। सः मङ्गलवासरे पदस्य शपथं गृहीतवान्।

न्यायमूर्तेः दिनेशभट्टस्य जन्म १९६९ तमे वर्षे शिमलानगरे अभवत्। सेन्टएडवर्ड्सविद्यालयात् द्वादशकक्षायाः शिक्षां प्राप्त्वा सः सञ्जौलीमहाविद्यालयात् विज्ञानविषये स्नातकपदवीं प्राप्तवान्। हिमाचलप्रदेशविश्वविद्यालयात् १९९३ तमे वर्षे सः विधिस्नातकपदवीं प्राप्तवान् तथा हिमाचलप्रदेशस्य उच्चन्यायालये अधिवक्तृरूपेण स्वस्य विधिव्यवसायस्य आरम्भं कृतवान्।

देहलीउच्चतरन्यायिकसेवायां २००८ तमे वर्षे तस्य अतिरिक्तजिलासत्रन्यायाधीशस्य पदे चयनम् अभवत्। तस्मिन् परीक्षायां सः सर्वोच्चं स्थानं प्राप्तवान् आसीत्। देहलीउच्चतरन्यायिकसेवायां षोडशवर्षीयकार्यकाले सः विभिन्नेषु न्यायालयेषु महत्त्वपूर्णानि दायित्वानि निर्वाहितवान्। सः देहलीनगरे जिलासत्रन्यायाधीशस्य प्रधानजिलासत्रन्यायाधीशस्य च पदयोः अपि कार्यं कृतवान्।

स्वयंसेवीसंस्थायाः ‘उमङ्गफाउण्डेशन’ इत्यस्य अध्यक्षः तथा हिमाचलप्रदेशविश्वविद्यालयस्य शिमलास्थस्य सेवानिवृत्तः प्राध्यापकः अजयश्रीवास्तवः उक्तवान् यत् शिमलानगरे अध्ययनस्य विधिव्यवसायस्य च समये न्यायमूर्तिः दिनेशभट्टः दिव्याङ्गजनानां, निराश्रितानां महिलानां, वृद्धानां निर्धनरोगिणां च साहाय्यं कृतवान्। वृक्षारोपणादिषु सामाजिकक्रियाकलापेष्वपि तस्य योगदानम् आसीत्। सः नियमितरूपेण रक्तदानमपि करोति।

---------------

Hindusthan Samachar / Dheeraj Maithani