Enter your Email Address to subscribe to our newsletters
नवदिल्ली, 22 सितंबरमासः (हि.स.)। दिल्लीनगरस्य मुख्यमन्त्री रेखागुप्ता अष्टदिवसीयस्य त्रिंशत्तमस्य विश्वाध्यात्मिकसम्मेलनस्य समापनकार्यक्रमे भागं गृहीत्वा सावनकृपालरूहानीमिशनस्य प्रमुखसन्तेन राजिन्दरसिंहजीमहाराजेन सह मिलितवती।
किरपालबागे तथा सन्तदर्शनसिंहजीधाम बुराडीनगरे आयोजिते अस्मिन् सम्मेलने रूहानीमिशनस्य प्रमुखस्य अशीतितमे जन्मदिवसस्य उत्सवोऽपि आयोजितः। त्रयोदशसितम्बरदिनाङ्कात् प्रारब्धे अस्मिन् अष्टदिवसीये कार्यक्रमे द्विलक्षाधिकाः जनाः भागं गृहीतवन्तः।
कार्यक्रमे भाजपाविधायकः अशोकगोयलः, विभिन्नधर्माणां आध्यात्मिकनेतारः तथा षट्शतपञ्चाशदधिकाः अन्तरराष्ट्रीयप्रतिनिधयः अपि सम्मिलिताः। समापनकार्यक्रमे ध्यानस्य आध्यात्मिकतायाश्च विषये विचारविमर्शेन सह अष्टषष्टितमः रक्तदानशिबिरः, त्रिचत्वारिंशत्तमं निःशुल्कनेत्रपरीक्षणमोतियाबिन्दुशल्यक्रियाशिबिरं तथा त्रयोविंशतितमं वस्त्रवितरणशिबिरं च आयोजितम्।
सम्मेलने अमेरिका, ऑस्ट्रेलिया, ऑस्ट्रिया, स्विट्जरलैण्ड्, कनाडा तथा अन्येभ्यः अनेकदेशेभ्यः षट्शतपञ्चाशदधिकाः प्रतिनिधयः सम्मिलिताः। समापनावसरे सन्तः राजिन्दरसिंहजीमहाराजः ध्यानं अन्तर्मुखीभूय ईश्वरेण सह सम्बद्धतायाः प्रमुखं साधनम् इति प्रतिपादितवान्। सः उक्तवान् यत् विचलयित्रीभिः वस्तुभिः परिपूर्णे अस्मिन् संसारे अस्माभिः ईश्वरेण सह सम्बद्धतां जीवनस्य वास्तविकं प्रयोजनं च ज्ञातुं तथा ईश्वरप्राप्त्यै स्वान्तः अवलोकनीयः।
मुख्यमन्त्री रेखागुप्ता सन्तं राजिन्दरसिंहजीमहाराजं जन्मदिवसस्य शुभकामनाः प्रदत्तवती। तेन सह ध्याने, शान्तौ मानवसेवायां च तस्य दशकेभ्यः दीर्घस्य समर्पणस्य प्रशंसामपि कृतवती। मुख्यमन्त्रिणी उक्तवती यत् तस्य विषये यथायथं अधिकं ज्ञायते, तथा अभियान्त्रिकक्षेत्रात् आध्यात्मिकतां प्रति तस्य अद्भुतयात्रा प्रेरणादायिनी प्रतिभाति।
अन्ते माता रीटा अन्ये च जनाः गुरुनानकदेवजीमहाराजस्य वाणीतः भावपूर्णं भजनं “हम घर साजन आए” इति प्रस्तुतवन्तः।
---------------
Hindusthan Samachar / Dheeraj Maithani