Enter your Email Address to subscribe to our newsletters
नवदिल्ली, 21 सितंबरमासः (हि.स.)।दिल्लीप्रदेशस्य मुख्यमन्त्रिण्या रेखागुप्तया सह अनेकैः नेतृभिः दिल्लीनगरस्य महापौरस्य प्रवेशवाहीमहोदयस्य मातुः निधनं प्रति गाढः शोकः व्यक्तः तथा दिवङ्गतायै आत्मने श्रद्धाञ्जलिः समर्पिता।
मुख्यमन्त्रिणी रेखागुप्ता सोमवासरे ‘एक्स’ इति सामाजिकमाध्यमे प्रकाशिते सन्देशे अवदत् यत् सा महापौरस्य प्रवेशवाहीमहोदयस्य मातुः अन्त्येष्टौ सम्मिलिता भूत्वा श्रद्धासुमनः अर्पितवती। सा अवदत् यत् दुःखस्य अस्मिन् समये तस्याः संवेदनाः प्रवेशवाहीमहोदयेन सह समस्तशोकाकुलेन परिवारेण सह सन्ति। मुख्यमन्त्रिण्या ईश्वरात् दिवङ्गतायै पुण्यात्मने स्वश्रीचरणयोः स्थानं दातुं तथा परिजनानां कृते एतद् अपारदुःखं सोढुं शक्तिं प्रदातुं प्रार्थना कृता।
दिल्लीप्रदेशस्य शिक्षामन्त्री आशीषसूदः राजराणीवाहीमहोदयायाः निधनं दुःखदं कथयन् अवदत् यत् अस्यां कठिनवेलायां तस्य संवेदनाः शोकाकुलेन परिवारेण सह सन्ति।
मन्त्री मनजिन्दरसिंहसिरसा अवदत् यत् राजराणीवाहीमहोदयायाः निधनस्य समाचारः अत्यन्तं दुःखदः अस्ति। सिरसा गुरुवाहेगुरुम् दिवङ्गतात्मनः स्वश्रीचरणेषु स्थानं दातुं तथा शोकाकुलपरिवाराय अस्य असीमदुःखस्य सोढुं शक्तिं प्रदातुं प्रार्थितवान्।
दिल्लीमहानगरपालिकायाः स्थायीसमित्याः अध्यक्षा सत्याशर्मा महापौरस्य प्रवेशवाहीमहोदयस्य मातुः अन्त्येष्टौ सम्मिलिता भूत्वा भावपूर्णां श्रद्धाञ्जलिम् अर्पितवती। तया ईश्वरात् दिवङ्गतायै पुण्यात्मने स्वश्रीचरणयोः स्थानं दातुं तथा शोकाकुलपरिवाराय अस्मिन् कठिनसमये धैर्यं सामर्थ्यं च प्रदातुं प्रार्थना कृता।
महापौरस्य प्रवेशवाहीमहोदयस्य माता राजराणीवाही इत्यस्याः निधनं रविवासरे रात्रौ सार्धाष्टवादने अभवत्। महापौरस्य प्रवेशवाहीमहोदयस्य वाहीपरिवारस्य च पक्षतः निर्गतायां शोकसूचनायां कथितं यत् राजराणीवाहीमहोदयायाः अन्तिमयात्रा सोमवासरे प्रातः सार्धनववादने तस्याः निवासस्थानात् डी द्विशतसप्तसप्ततिः, प्रशान्तविहारः, पीवीआर इत्यस्य समीपतः प्रस्थिता। अन्तिमयात्रा प्रातः सार्धदशवादने निगमबोधघाटं प्राप्ता, यत्र तस्याः अन्त्येष्टिसंस्कारः सम्पन्नः।
-------------
Hindusthan Samachar / Dheeraj Maithani