मुंबई, 22 सितंबरमासः, (हि. स.)। युवकेभ्यः रोजगारस्य अवसरान् प्रदातुं विरारपश्चिमस्य यशवन्तनगरस्थिते अमेयक्लासिकक्लबे अक्टोबरमासस्य प्रथमदिनाङ्के ‘महानियोजनमेला २०२६’ इत्यस्य आयोजनं करिष्यते। प्रातः नववादनात् अपराह्णे द्विवादनपर्यन्तम् आयोज्यमाने अस्मिन् नियोजनमेलके अनेकाः प्रसिद्धाः बैंकरूपसंस्थाः रोजगारस्य अवसरान् प्रदास्यन्ति।

अस्मिन् अवसरे वसईविरारमहानगरपालिकायाः प्रथमः महापौरः उद्यमी च राजीवपाटीलः प्रमुखतया उपस्थितः भविष्यति। समाजसेवी पूर्वनगरसेवकश्च हार्दिकराऊतः उक्तवान् यत् नियोजनमेलके दशमकक्षायाः, द्वादशकक्षायाः उत्तीर्णाः तथा स्नातकपदवीधारिणः युवानः भागं ग्रहीतुं शक्नुवन्ति। तेषां कृते आयुः अष्टादशवर्षेभ्यः पञ्चचत्वारिंशद्वर्षपर्यन्तं निर्धारिता अस्ति।

नियोजनमेलके बैंकिङ्ग् तथा वित्तम्, ग्राहकसेवा, विक्रयः विपणनं च, कार्यसञ्चालनम्, पृष्ठकार्यालयसेवा, खुदराविक्रयः इत्यादिषु क्षेत्रेषु रोजगारस्य अवसराः प्राप्स्यन्ति। नियोजनमेलके आईसीआईसीआईबैंक्, एक्सिसबैंक्, कोटकमहिन्द्राबैंक्, आईडीएफसीफर्स्टबैंक्, डीसीबीबैंक्, बन्धनबैंक्, आदित्यबिर्लाबैंक् इत्यादयः संस्थाः अन्याश्च कम्पन्यः भागं ग्रहीष्यन्ति।

इच्छुकाभ्यर्थिभ्यः कार्यक्रमे सम्मिलितुं पूर्वं पञ्जीकरणं कर्तुं आह्वानं कृतम् अस्ति।

Hindusthan Samachar / Dheeraj Maithani