नवदिल्ली, 22 सितम्बरमासः (हि.स.)।

राष्ट्रपतिः द्रौपदी मुर्मुः मङ्गलवासरे देशवासिभ्यः ‘करमपूजा’याः बधाईशुभकामनाश्च प्रदत्तवती। राष्ट्रपतिः मुर्मुः एक्स इत्यत्र लिखितवती, “सर्वेभ्यः देशवासिभ्यः ‘करमपूजा’याः हार्दिक्यः बधाईशुभकामनाः। प्रकृतेः प्रति कृतज्ञता, कर्मणि निष्ठा भ्रातृभगिन्योः च प्रेमभावना च सम्बद्धं करमपर्व अस्माकं समृद्धजनजातीयसंस्कृतेः जीवनमूल्यानां च जीवन्तं स्वरूपम् अस्ति। इदं पर्व अस्मान् प्रकृतेः संरक्षणं कर्तुं सौहार्दभावेन कार्यं च कर्तुं प्रेरयति। मम कामना अस्ति यत् ‘करमपूजा’याः इदं पर्व सर्वेषां देशवासिनां जीवने सुखसमृद्ध्योः सञ्चारं करोतु।”

उल्लेखनीयं यत् ‘करमपूजा’ प्रकृत्या, कृष्या, भ्रातृभगिन्योः प्रेम्णा च सम्बद्धं प्रमुखं जनजातीयं लोकपर्व अस्ति। इदं पर्व मुख्यतया झारखण्डे, छत्तीसगढे, बिहारप्रदेशे, पश्चिमबङ्गाले ओडिशाप्रदेशे च आचर्यते।

---------------

Hindusthan Samachar / Dheeraj Maithani