Enter your Email Address to subscribe to our newsletters
नवदिल्ली, २२ सेप्टेम्बरमासः (हि.स.)। प्रधानमन्त्री नरेन्द्रमोदी मङ्गलवासरे विश्वगैण्डादिवसस्य अवसरे एकशृङ्ग-गैण्डानां संरक्षणे संलग्नानां जनानां प्रशंसां कृत्वा अवदत् यत् देशे प्रजातिसंरक्षणस्य कार्यं प्रवर्धयितुं ‘प्रोजेक्ट राइनो’ इति योजना प्रारब्धा अस्ति।
प्रधानमन्त्रिणा सामाजिकसञ्चारमञ्चे ‘एक्स’ इत्यत्र प्रकाशिते सन्देशे उक्तं यत् अस्याः योजनायाः अन्तर्गतं गैण्डाबहुल-राज्येभ्यः गैण्डानां संरक्षणाय, आवास-व्यवस्थापनाय, आनुवंशिकसुधाराय तथा गैण्डाजनसङ्ख्यायाः गतिशीलतां ज्ञातुं वित्तीयं तान्त्रिकं च साहाय्यं प्रदास्यते।
मोदी अवदत् यत् सम्प्रति विश्वस्य गैण्डाजनसङ्ख्यायाः प्रायः ८० प्रतिशतं भागः असमराज्ये अस्ति। सः गैण्डानाम् अवैधशिकारस्य निवारणाय काजीरङ्गायाः प्रयत्नानाम् अपि प्रशंसां कृतवान्।
सः अवदत् यत् बिहारस्य पश्चिमबङ्गस्य च कतिपयेषु भागेषु गैण्डाः पुनरागताः अथवा सम्यक् संरक्षिताः सन्ति। अपरत्र उत्तरप्रदेशस्य गैण्डानां पुनर्वासस्य सफलता इतिहासं निर्माति।
मोदी अवदत् यत् एते प्रयत्नाः सम्बद्धेषु राज्येषु वन्यजीवसंरक्षणस्य सक्रियवन्य-जीवव्यवस्थापनं च प्रति जनानां निरन्तरां प्रतिबद्धतां दर्शयन्ति।
प्रधानमन्त्रिणा एकस्मिन् सन्देशे उक्तम्— “विश्वगैण्डादिवसे वयं भव्यस्य एकशृङ्ग-गैण्डा इत्यस्य उत्सवं कुर्मः तथा तस्य संरक्षणे अग्रपङ्क्तौ कार्यं कुर्वतां सर्वेषां जनानां प्रशंसां कुर्मः।”
सः अवदत् यत् असमराज्ये अधुना विश्वस्य प्रायः ८० प्रतिशतं गैण्डाः सन्ति तथा काजीरङ्गायां गैण्डानाम् अवैधशिकारस्य उन्मूलनाय क्रियमाणानां प्रयत्नानां प्रशंसा अभवत्।
प्रधानमन्त्रिणा सन्देशे उक्तं यत् देशे प्रजातिसंरक्षणस्य कार्यं प्रवर्धयितुं ‘प्रोजेक्ट राइनो’ इति योजना प्रारब्धा अस्ति। अस्याः योजनायाः अन्तर्गतं गैण्डाबहुलराज्येभ्यः संरक्षणाय, आवासव्यवस्थापनाय, आनु-वंशिकसुधाराय तथा गैण्डाजनसङ्ख्यायाः गतिशीलतां ज्ञातुं वित्तीयं तान्त्रिकं च साहाय्यं प्रदास्यते।
प्रधानमन्त्रिणा विश्वगैण्डादिवसस्य अवसरे गैण्डानां संरक्षणसम्बद्धानि अनेकानि चित्राणि अपि सहभागी कृतानि।
Hindusthan Samachar / Divya Ranjan