- मध्यप्रदेशस्य मुख्यमन्त्रिणा केन्द्रीयमन्त्रिणा ज्योतिरादित्यसिन्धियया सह बेङ्गलूरुनगरे उद्योगपतिभिः सह प्रत्यक्षसंवादः कृतः।

भोपालम्, २२ सितम्बरमासः (हि.स.)। मध्यप्रदेशस्य मुख्यमन्त्री डॉ. मोहन यादवः मङ्गलवासरे केन्द्रीयसञ्चारपूर्वोत्तरक्षेत्रविकासमन्त्रिणा ज्योतिरादित्यसिन्धियया सह बेङ्गलूरुनगरे उद्योगपतिभिः प्रमुखनिवेशकैश्च प्रत्यक्षसंवादं कृतवान्। अस्मिन् अवसरे मुख्यमन्त्री डॉ. यादवः अवदत् यत् मध्यप्रदेशः देशे सूचनाप्रौद्योगिक्याः, अर्धचालकानां, दूरसञ्चारस्य, विद्युतीयविनिर्माणस्य च सशक्तकेन्द्ररूपेण तीव्रगत्या विकसितः भवति।

मुख्यमन्त्रिणा निवेशकान् आमन्त्रयता उक्तं यत् मध्यप्रदेशे उद्योगव्यापारयोः कृते विपुलाः सम्भावनाः, सुदृढम् आधारभूतसंरचनम्, प्रचुराणि प्राकृतिकसंसाधनानि उद्योगहितैषिण्यः नीतयश्च सन्ति। राज्यसर्वकारः प्रत्येकं निवेशकं सुरक्षितं वातावरणं, एकलप्रवेशव्यवस्थया शीघ्रानुमतिं नीतिगतं सहकारं च प्रदातुं पूर्णतया तत्परः अस्ति। बेङ्गलूरुनगरस्य प्रौद्योगिकीपरिसरस्य मध्यप्रदेशस्य औद्योगिकाधारस्य च समन्वयेन प्रदेशे नवाचारस्य रोजगारस्य च नूतनाः आयामाः स्थापिताः भविष्यन्ति।

सः निवेशकान् अवदत् यत् उद्योगानां आवश्यकतानाम् अपेक्षाणां च अनुरूपं मध्यप्रदेशे सुविधाः प्रदास्यन्ते। सः अवदत् यत् सः स्वयं प्रत्येकस्मिन् रोड शो कार्यक्रमे निवेशकैः सह संवादं करोति तथा च तैः सह वरिष्ठाधिकारिणोऽपि भवन्ति, येन निवेशसम्बद्धानां समस्याणाम् आवश्यकतानां च तत्क्षणं समाधानं कर्तुं शक्यते। मुख्यमन्त्रिणा उक्तं यत् मध्यप्रदेशे पारदर्शिन्यः नीतयः प्रवर्तिताः सन्ति तथा च निवेशकैः सम्बद्धानां प्रत्येकस्य विषयस्य शीघ्रतया निराकरणं क्रियते। सर्वकारस्य प्रयत्नः अस्ति यत् निवेशकेभ्यः तेषाम् आवश्यकतानुरूपाः सुविधाः अनुकूलं च वातावरणं प्रदीयेत।

मुख्यमन्त्री डॉ. यादवः उद्योगपतिभिः सह प्रत्यक्षसंवादे विशेषरूपेण ग्वालियरदूरसञ्चारनिर्माणक्षेत्रस्य विशेषताः सम्भावनाश्च अवगतवान्। सः अवदत् यत् राज्यसर्वकारः दूरसञ्चारोपकरणानां विनिर्माणेन सह अस्मिन् क्षेत्रे अनुसन्धानस्य नवाचारस्य च सर्वोच्चप्राथम्यं ददाति। प्रदेशस्य नीतयः भविष्याभिमुख्यः सन्ति, याः विद्युतीयविनिर्माणसमूहानां विस्ताराय वित्तीयान् अवित्तीयांश्च आकर्षकान् प्रोत्साहनान् प्रददति।

वैश्विकक्षमताकेन्द्राणां स्थापनायै थोलोन्स् तथा सीजीआई इत्येताभ्यां सह संवादः

संवादसमये सूचनाप्रौद्योगिकी तथा वैश्विकक्षमताकेन्द्रक्षेत्रस्य प्रमुखैः प्रतिनिधिभिः मध्यप्रदेशे स्वकीयाः संस्थाः स्थापयितुं गभीरः अभिरुचिः प्रदर्शिता। थोलोन्स् संस्थायाः अध्यक्षेन मुख्यकार्यकारिणा च अविनाशवशिष्ठेन तथा अङ्कितावशिष्ठया प्रदेशे २१० कोटिरूप्यकाणां निवेशेन वैश्विकक्षमताकेन्द्रस्य स्थापना प्रस्तावस्य अन्तिमीकरणविषये चर्चा कृता। सीजीआई संस्थायाः उपाध्यक्षः अतुल अगाशे मध्यप्रदेशे वैश्विकक्षमताकेन्द्रस्य निवेशसम्भावनां दृष्ट्वा प्रदेशे विस्तारस्य अभिप्रायं प्रकटितवान्।

अर्धचालकस्य चिप्-रचनायाश्च प्रमुखकेन्द्रं भविष्यति मध्यप्रदेशः

मुख्यमन्त्री डॉ. यादवेन सह अर्धचालकस्य चिप्-रचनायाश्च क्षेत्रे अग्रगण्यकम्पनीनां प्रतिनिधिभिः विस्तृतः संवादः कृतः। असेइक मावेन सिलिकॉन संस्थायाः संस्थापकः मुख्यकार्यकारी च शिवकुमारः पी.आर. प्रदेशे समग्रतया १०० कोटिरूप्यकाणां निवेशेन चिप्-रचनाकेन्द्रस्य स्थापनायै प्रस्तावम् उपस्थापितवान्। अस्य प्रथमचरणे २५ कोटिरूप्यकाणां निवेशः भविष्यति। कोर-आईसी टेक्नोलॉजीज् प्राइवेट् लिमिटेड् संस्थायाः संस्थापकः मुख्यकार्यकारी च पङ्कजगर्गः अपि विभिन्नेषु चरणेषु समग्रतया १०० कोटिरूप्यकाणां निवेशेन चिप्-रचनासेवाः स्थापयितुं सहमतिं प्रकटितवान्।

गहनप्रौद्योगिकीवित्तपोषणं, दत्तांशकेन्द्रं, अन्तरिक्षप्रौद्योगिकी तथा स्थायित्वक्षेत्रे नूतनाः निवेशप्रस्तावाः

प्रदेशे नवोद्यमानां नूतनप्रौद्योगिकीनां च विकासाय गहनप्रौद्योगिकी उद्यमपूँजीकोषस्य ‘सीफण्ड’ इत्यस्य नरेन्द्रभण्डारिणा मध्यप्रदेशस्य नवोद्यमेभ्यः प्रायः २०० कोटिरूप्यकाणां वित्तपोषणं प्रदातुं योजना प्रस्तुतिता। नाइनस्टार्स् इन्फॉर्मेशन टेक्नोलॉजीज् प्राइवेट् लिमिटेड् संस्थायाः अध्यक्षेन मुख्यकार्यकारिणा च गोपालकृष्णेन मध्यप्रदेशे आधुनिकदत्तांशकेन्द्रस्य स्थापनाविषये विचारविमर्शः कृतः। अन्तरिक्षप्रौद्योगिकीक्षेत्रे गैलेक्सी संस्थायाः सहसंस्थापकाभ्यां रक्षितभट्टेन पायलदवेया च स्वकीयसहभागिताविषये संवादः कृतः। अपि च, यातायात तथा द्विचक्रिकावाहनसाझेदारीक्षेत्रस्य प्रमुखया रैपिडो संस्थया सहसंस्थापकः पवनगुण्टुपल्ली तथा पर्यावरणस्य स्थायित्वस्य च क्षेत्रे कार्यरतायाः डोनाउ कार्बन इण्डिया संस्थायाः मुख्यकार्यकारिणा प्रबन्धनिदेशकेन वीरेन्द्रचौधरिणा च प्रदेशे स्वकीययोजनानां विषये चर्चा कृता।

ड्रोनविनिर्माणं रक्षाप्रौद्योगिकी च नूतनां गतिं प्राप्स्यतः

मुख्यमन्त्री डॉ. यादवस्य भविष्याभिमुखप्रौद्योगिकीनां दृष्ट्या ड्रोनविनिर्माणक्षेत्रस्य प्रमुखकम्पनीनां प्रतिनिधिभिः सह महत्त्वपूर्णा उपवेशनमपि अभवत्। मुख्यमन्त्रिणा एयरबाउण्ड् संस्थायाः संस्थापकेन नमनपुष्पेण, आइडियाफोर्ज् संस्थायाः विपणनप्रमुखया कुथि अरमनमाडया, नॉटिकल विंग्स् संस्थायाः व्यावसायिकविकासप्रमुखेन रोहनफर्नांडीसेन, न्यूस्पेस् एण्ड् रिसर्च् टेक्नोलॉजीज् संस्थायाः प्रमुखेन अश्विनशास्त्रिणा तथा अनमैन्ड् सिस्टम्स् संस्थायाः संस्थापकेन मुख्यकार्यकारिणा यशवन्तरेड्डिना च प्रदेशे ड्रोननिर्माणस्य परीक्षणपरिसरस्य च विकासेन सह निवेशावसराणां विषये विचारविमर्शः कृतः। एयरबाउण्ड् संस्थायाः प्रतिनिधिभिः मुख्यमन्त्रिणे ड्रोनयन्त्रं समर्पितम्।

प्रमुखप्रौद्योगिकीपरामर्शकम्पनीनां प्रतिनिधिभिः भेटः

मुख्यमन्त्रिणा डॉ. यादवेन सह उपवेशनसमये एचपी एंटरप्राइजेज् इत्यस्य वैश्विकक्षमताकेन्द्रक्षेत्रे कार्यरताभ्यां जयन्तेन तारया च, जेडस्केलर् सूचनाप्रौद्योगिकीकम्पन्याः श्रीनिधिना तथा क्वाण्टम्-सङ्गणनायाः कृत्रिमबुद्धेः च क्षेत्रे कार्यरतस्य संस्थायाः अनुरागेन च भेटः कृता। मुख्यमन्त्रिणा सह फुजित्सु कन्सल्टिङ् इण्डिया प्राइवेट् लिमिटेड् संस्थायाः भारतदेशप्रमुखेन परामर्शप्रमुखेन च विशालागस्त्येन तथा इनफिनिटी इण्डिया प्राइवेट् लिमिटेड् संस्थायाः मुख्यकार्यकारिणा देशप्रमुखेण नितिनमेहतया च अपि भेटः कृता।

प्रदेशस्य सर्वेषु अञ्चलेषु सन्तुलितौद्योगिकविकासस्य रोजगारसृजनस्य च संकल्पः

मुख्यमन्त्री डॉ. यादवः अवदत् यत् राज्यसर्वकारः केवलं चयनितेषु नगरेषु सीमितः न भूत्वा इन्दौर, उज्जयिनी, भोपाल इत्येतैः सह जबलपुर तथा ग्वालियर इत्यादिषु सम्भागेष्वपि औद्योगिकक्रियाकलापान् समानरूपेण प्रवर्तयति। सः अवदत् यत् प्रदेशस्य लघुषु बृहद्नगरेषु च बृहद्योगैः सह सूक्ष्मलघुमध्यमोद्योगानां लघुकुटीरोद्योगानां च स्थापनायै विशेषं ध्यानं दीयते, येन स्थानीयस्तरे नागरिकेभ्यः सम्मानजनकं रोजगारावसरं प्राप्येत।

उपस्थितैः सर्वैः प्रमुखनिवेशकैः मध्यप्रदेशस्य निवेशानुकूलनीतीनां पारदर्शिकार्यप्रणाल्याः नेतृत्वस्य सक्रियतायाश्च प्रशंसा कृता।

Hindusthan Samachar / Dheeraj Maithani