Enter your Email Address to subscribe to our newsletters
गुवाहाटी, 23 सितंबरमासः (हि.स.)।
सेवासंकल्पाभियानस्य अन्तर्गतं ‘नमोसेवागाथा एकम् अव्यक्तं कथानकम्’ इति शीर्षकेण सज्जीकृतस्य नुक्कडनाटकस्य अन्तिमः पूर्वाभ्यासप्रयोगः बुधवासरे गुवाहाटीस्थे ज्योतिचित्रबनस्य कलागुरुसभागारे सायं चतुर्वादने आयोजयिष्यते।
अनेन नुक्कडनाटकेन प्रधानमन्त्रिणः नरेन्द्रमोदिनः पञ्चविंशतिवर्षाणां सार्वजनिकसेवायात्रा प्रस्तुतं करिष्यते। कार्यक्रमे नुक्कडनाटके सम्बद्धाः कलाकाराः अन्तिमपूर्वाभ्यासस्य प्रदर्शनं करिष्यन्ति।
कार्यक्रमे गुवाहाटीलोकसभाक्षेत्रस्य सांसद् बिजुलीकलितामेधी, सांस्कृतिककार्याणां मन्त्री विमलबोरा, नुक्कडनाटकस्य पर्यवेक्षणस्य दायित्वं निर्वहन् असमसर्वकारस्य मन्त्री अश्विनीरायसरकारः तथा गुवाहाटीमहानगरजनपदस्य भाजपाध्यक्षः तपनदासः उपस्थिताः भविष्यन्ति इति सम्भावना अस्ति।
तदतिरिक्तम् असमस्य अनेकाः प्रतिष्ठिताः लोकप्रियाश्च कलाकाराः तथा भारतीयजनतापार्टी इत्यस्य पदाधिकारिणः कार्यकर्तारश्च कार्यक्रमे सम्मिलिताः भविष्यन्ति।
-----
Hindusthan Samachar / Dheeraj Maithani