पाटलिपुत्रम्, २३ सेप्टेम्बरमासः (हि.स.)। बिहारपुलिस-अवरसेवा-आयोगेन दारोगा-नियुक्त्या: परीक्षायाः विषये महत्त्वपूर्णः निर्णयः स्वीकृतः। आयोगेन १७९९ पदेषु नियुक्त्यर्थं २७ मे २०२६ तमे वर्षे द्विषु पर्यायेषु आयोजिता मुख्यलिखितपरीक्षा निरस्ता कृता। आयोगेन बुधवासरे असम्बद्धा आधिकारिकी सूचना प्रकाशिता। नूतनायाः परीक्षातिथेः घोषणा पृथक् भविष्यति।

परीक्षायाः निरस्तीकरणानन्तरम् अधुना १७९९ पदेभ्यः सर्वे सम्बद्धाः अभ्यर्थिनः पुनः मुख्यलिखितपरीक्षायां सम्मिलिताः भविष्यन्ति। आयोगेन स्पष्टं कृतं यत् नूतनायाः परीक्षायाः तिथिः कार्यक्रमश्च पश्चात् पृथक् सूचनया प्रकाशितौ भविष्यतः।

उल्लेखनीयं यत् बीपीएसएससी-द्वारा १७९९ पदेषु नियुक्त्यर्थं २७ मे दिनाङ्के द्विषु पर्यायेषु मुख्यलिखितपरीक्षा आयोजिता आसीत्। परीक्षायाः समाप्तेः अनन्तरं सामाजिक-माध्यमेषु प्रश्नपत्रस्य ओएमआर-पत्रस्य च सम्बन्धितानि चित्राणि सामग्री च प्रसारितानि अभवन्। अभ्यर्थिभ्यः ओएमआर-पत्रस्य कार्बनप्रतिं परीक्षाकेन्द्रात् बहिः नेतुम् अनुमतिः नासीत्। तथापि सामाजिक-माध्यमेषु प्रश्नपत्रस्य ओएमआर-पत्रस्य च सम्बद्धसामग्री प्रकाशम् आगतवती, येन परीक्षायाः पारदर्शितां प्रति प्रश्नाः उत्थिताः।

आयोगेन १९ जूनमासे मुख्यलिखित-परीक्षायाः परिणामः प्रकाशितः आसीत्। तस्मिन् १०,७५९ अभ्यर्थिनः सफलाः घोषिताः आसन्। परिणामस्य प्रकाशना-नन्तरं कथितधृष्टता प्रश्नपत्रस्य ओएमआर-पत्रस्य च सम्बद्धसामग्री प्रकाशे आगतं प्रकरणं च दृष्ट्वा अभ्यर्थिभिः परीक्षा निरस्तीकर्तुं याचना तीव्रतरा कृता।

पाटलिपुत्रसहितेषु राज्यस्य अनेकस्थानेषु अभ्यर्थिभिः आन्दोलनं कृतम्। राजधानीस्थे गर्दनीबाग-धरणास्थलेऽपि बहुसंख्याकाः अभ्यर्थिनः परीक्षा निरस्तीकरणस्य मागं कुर्वन्तः धरणे उपविष्टाः आसन्। आन्दोलनस्य समये बहवः अभ्यर्थिनः आमरणानशनमपि प्रारब्धवन्तः।

अभ्यर्थिनाम् आन्दोलनस्य मध्ये मुख्यमन्त्री सम्राट्चौधरी प्रकरणस्य अन्वेषणाय समितेः गठनं कर्तुं तथा अन्वेषणस्य आधारेण समुचितकार्यवाहीं कर्तुं निर्देशान् दत्तवान् आसीत्। तदनन्तरं परीक्षा निरस्तीकरणस्य मागं कृत्वा आमरणानशनं कुर्वन्तः अभ्यर्थिनः स्वस्य अनशनम् अवसारितवन्तः।

अपरतः परीक्षायां कथितधृष्टतां सामाजिक-माध्यमेषु प्रश्नपत्रस्य ओएम-आर-पत्रस्य च सम्बद्धसामग्री प्रकाशे आगतं प्रकरणं च आर्थिकापराध-इकाई अपि अन्वेषयति स्म। अधुना बीपीएस-एससी-द्वारा परीक्षा निरस्तीकृत्य गृहीतेन निर्णयेन १७९९ पदेषु नियुक्तिप्रक्रियायै मुख्यलिखितपरीक्षा पुनः आयोजयिष्यते।

Hindusthan Samachar / Divya Ranjan