गुवाहाटी, २३ सेप्टेम्बरमासः (हि.स.)। कामरूप-महानगर-जनपदस्य पाण्डु-प्रथम-रेफरल-यूनिट् इत्यत्र प्रधानमन्त्रि-राष्ट्रीय-डायलिसिस-कार्यक्रमस्य अन्तर्गतं नवनिर्मितस्य निःशुल्क-डायलिसिस-केन्द्रस्य उद्घाटनं बुधवासरे अभवत्। गुवाहाटी-लोकसभाक्षेत्रस्य सांसद् बिजुली-कलिता-मेडी इत्यनया केन्द्रस्य औपचारिकम् उद्घाटनं कृतम्।

अस्मिन् नूतने डायलिसिस-केन्द्रे त्रयः डायलिसिस-यन्त्राः स्थापिताः सन्ति। अनेन वृक्कसम्बद्धैः समस्याभिः पीडितेभ्यः नियमित-डायलिसिस इत्यस्य आवश्यकतां वहद्भ्यश्च रोगिभ्यः निःशुल्काः आवश्यकाः डायलिसिस-सेवाः प्राप्तुं शक्यन्ते। विशेषतः पाण्डु-परिसरस्य समीपस्थक्षेत्राणां निवासिभ्यः एषा सेवा महतीं राहतिं प्रदास्यति। अधुना यावत् ये रोगिणः डायलिसिसाय दूरस्थानां स्वास्थ्यकेन्द्राणां गन्तुं बाध्याः आसन्, तेभ्यः स्वक्षेत्रस्य समीपे एव निःशुल्क-चिकित्सासेवा प्राप्तुं सुविधा भविष्यति।

उद्घाटनसमारोहे असमस्य मुख्यमन्त्रिणः विशेषकार्याधिकारी हेमन्त-चौधरी, कामरूप-महानगर-जनपदस्य डीडीसी मञ्जीत-बरकाकती, एनएचएम-असमस्य विशेषकार्याधिकारी पल्लवज्योति-नाथः, पाण्डु-एफआरयू-रुग्णालय-प्रबन्धनसमितेः अध्यक्षः सञ्जय-दासः, कामरूप-महानगरस्य संयुक्त-डीएचएस डॉ. सञ्जीव-कुमार-सैकिया तथा पाण्डु-एफआरयू-उपरिसहायकाधीक्षकः डॉ. कुमुद-डेका च उपस्थिताः आसन्।

तदतिरिक्तं कार्यक्रमे स्थानीयवार्डस्य पार्षदः, डीपीएमयू, पश्चिमक्षेत्रस्य बीपीएमयू इत्येतयोः अधिकारीणः, चिकित्सकाः, स्वास्थ्यकर्मिणः, आशाकार्यकर्तारः तथा क्षेत्रस्य सामान्यजनाः अपि सम्मिलिताः अभवन्।

विशेषवक्तृरूपेण उपस्थितः मुख्यमन्त्रिणः विशेषकार्याधिकारी हेमन्त-चौधरी पाण्डु-एफआरयू-सम्बद्धाः विभिन्नाः समस्याः सूचनाश्च सर्वेषां समक्षम् उपस्थापितवान्। भविष्ये एतासां शिकायतानां विषये विशेषं ध्यानं दातुं सः सम्बन्धितेभ्यः अधिकारेभ्यः आह्वानं कृतवान्।

सः एतस्मिन् विषये अपि बलं दत्तवान् यत् नियमित-डायलिसिसस्य आवश्यकतां वहद्भ्यः रोगिभ्यः विशेषरूपेण स्वास्थ्य-सेवाम् अधिकं सुलभां कर्तुं पाण्डु-एफआरयू-प्राधिकरणेन महत्त्वपूर्णाः उपायाः करणीयाः। स्थानीयक्षेत्रस्य रोगिभ्यः समीपे एव एषा निःशुल्कसेवा प्रारब्धा भवति चेत् उपचारकाले तेषां समयस्य, यात्रायाः आर्थिकभारस्य च पर्याप्ता न्यूनता भविष्यतीति तस्य पूर्णः विश्वासः अस्ति।

Hindusthan Samachar / Divya Ranjan