नवदिल्ली, २३ सेप्टेम्बरमासः (हि.स.)। केन्द्रीय-सड़क-परिवहन-राजमार्गराज्यमन्त्री तथा दिल्ली-भाजपा-अध्यक्षः हर्ष-मल्होत्रा बुधवासरे पूर्वीदिल्ली इत्यत्र दिल्ली-देहरादून-द्रुतमार्गे गान्धी-नगरस्य गीताकॉलोनी तथा लक्ष्मीनगरस्य रमेशपार्क इत्येतयोः स्थले द्वयोः पदचारी-उपरिसेत्वोः शिलान्यासं कृतवान्। अस्मिन् अवसरे सः अवदत् यत् एतयोः द्वयोः एफओबी-सेतूभ्यः अतिरिक्तं भजनपुरस्य गढीमेण्डू-समीपे अन्यस्य एकस्य पदचारी-उपरिसेतोः निर्माणाय अपि अनुमोदनं प्राप्तम् अस्ति। त्रयाणां सेतूनां निर्माणे १२.८ कोटिरूप्यकाणां व्ययः भविष्यति।

अस्मिन् अवसरे मल्होत्रा अवदत् यत् एषा पहलः प्रधानमन्त्री नरेन्द्र-मोदीस्य आधुनिकस्य नागरिककेन्द्रितस्य च आधारभूतसंरचनायाः तं दृष्टिकोणं दर्शयति, यः जनानां जीवनं सुगमं कर्तुं सुरक्षितागमनं च प्रत्यक्षतया सुदृढं कर्तुं केन्द्रितः अस्ति। सः अवदत् यत् देशे आधुनिकद्रुतमार्गाणां, उच्चक्षमतायुक्तानां मार्गगलियारेषु तथा जनसुरक्षासम्बद्धानां परियोजनानां च तीव्रगत्या विकासः अभवत्।

सः अवदत् यत् एष: प्रयत्न: पूर्वीदिल्ली इत्यस्य निवासिनां कृते पदचारिणां सुरक्षां वर्धयितुं दैनिकागमनं च सुगमं कर्तुं दिशि महत्त्वपूर्णं सोपानम् अस्ति। द्रुतमार्गस्य दिल्लीस्थः भागः सघनजनसङ्ख्या-युक्तक्षेत्रेषु गच्छति तथा प्रमुखान् आवासीयान्, व्यावसायिकान् स्थानीया-गमनक्षेत्राणि च परस्परं संयोजयति। अतः सुरक्षितपदचारीसुविधानां व्यवस्था विशेषरूपेण महत्त्वपूर्णा अस्ति।

मल्होत्रा अवदत् यत् एतेषु पदचारी-उपरिसेतुषु उद्वाहकस्य सुविधा उपलब्धा भविष्यति, येन पदचारिभ्यः सुरक्षितस्य, सुविधाजनकस्य, समर्पितस्य च मार्गस्य सुविधा प्राप्स्यते। अनेन पदचारिणां वाहनानां च मध्ये सङ्घर्षस्य सम्भावना न्यूनीभविष्यति तथा वाहनानाम् आवागमनमपि निर्बाधरूपेण चलिष्यति। उद्वाहकस्य सुविधया वरिष्ठनागरिकेभ्यः, चलने गमने च कठिनताम् अनुभवन्तेभ्यः जनेभ्यः, विद्यार्थिभ्यः, श्रमिकेभ्यः अन्येभ्यश्च पदचारिभ्यः विशेषसुविधा प्राप्स्यति।

केन्द्रीय-राज्यमन्त्री अवदत् यत् दिल्ली-देहरादून-द्रुतमार्गस्य दिल्लीस्थस्य उन्नत-मार्गस्य अधः वाहनपार्किङ्गस्य सुविधा प्रारब्धा अस्ति तथा दिल्ली-सहारनपुर-देहरादून-द्रुतमार्गस्य (एनएच-७०९बी, प्रथमचरणस्य) दिल्लीस्थस्य भागस्य व्यापकसौन्दर्यी-करणस्य योजनायाः कार्यम् प्रगतिपथे अस्ति।

एतै: प्रयत्नै: उन्नतमार्गस्य अधः उपलब्धस्य स्थानस्य समुचितोपयोगः भविष्यति, पार्किङ्गव्यवस्थायां सुधारः भविष्यति तथा ईवी-आरोपणकेन्द्राणि, शौचालयाः अन्याः जनसुविधाश्च उपलब्धाः करिष्यन्ते। अनेन यातायातस्य दबावः न्यूनीकर्तुं साहाय्यं भविष्यति तथा सम्पूर्णस्य मार्गपरिसरस्य सौन्दर्यमपि वर्धिष्यते। अस्य लाभः क्षेत्रस्य निवासिभ्यः, व्यापारिभ्यः दैनिकयात्रिभ्यश्च प्राप्स्यते।

मल्होत्रा अवदत् यत् दिल्ली-सहारनपुर-देहरादून-महामार्गस्य दिल्लीस्थस्य उन्नतभागस्य समीपे सौरपट्टिकाः स्थापिताः भवन्ति। अनेन महामार्ग-सम्बद्धानां आवश्यकतानां कृते नवीकरणीय-ऊर्जायाः उपयोगः प्रोत्साहितः भविष्यति, पारम्परिक-ऊर्जास्रोतस्सु निर्भरता न्यूनीभविष्यति तथा कार्बन-उत्सर्जनस्य न्यूनीकरणे योगदानं भविष्यति। सततविकासस्य वर्ष २०७० पर्यन्तं शून्य-कार्बन-उत्सर्जनस्य लक्ष्यस्य च दिशि एतत् महत्त्वपूर्णं सोपानम् अस्ति।

अस्मिन् अवसरे गान्धीनगरस्य विधायकः तथा ट्रान्स-यमुना-विकास-मण्डलस्य अध्यक्षः अरविन्दर-सिंह-लवली, लक्ष्मी-नगरस्य विधायकः अभय-वर्मा, कृष्णा-नगरस्य विधायकः डॉ. अनिल-गोयलः, ओबीसी-मोर्चायाः प्रदेशाध्यक्षः सन्तोष-पालः, स्थानीय-नगरनिगम-पार्षदः सन्दीप-कपूरः इत्येतै: सह अनेके प्रमुखजनाः उपस्थिताः आसन्।

Hindusthan Samachar / Divya Ranjan