Enter your Email Address to subscribe to our newsletters
भारतीय-युद्धविमानानि शत्रोः वायुप्रदेशं प्रविश्य विना सुरक्षितदूरात् आक्रमणं कर्तुं शक्नुवन्ति
नवदिल्ली, २३ सेप्टेम्बरमासः (हि.स.)। ‘आत्मनिर्भरभारतम्’ इत्यभियानस्य प्रोत्साहनाय रक्षामन्त्रालयेन भारत-डायनामिक्स-लिमिटेड् इत्यनेन सह ८११ कोटिरूप्यकाणां सन्धि: कृतः। अनेन भारतीयवायुसेनायै १६० उपग्रह-निर्देशित-स्मार्ट-एण्टी-एयरफील्ड-शस्त्राणि क्रेष्यन्ते। अस्य सन्धौ हस्ताक्षरं बुधवासरे नवदिल्ली इत्यत्र रक्षासचिवस्य राजेश-कुमारसिंहस्य उपस्थितौ कृतम्। शत-किलोमीटरपर्यन्तं प्रहारक्षमता-युक्तानि एतानि उपग्रह-निर्देशित-बम्बानि भारतीयैः युद्धविमानैः शत्रोः वायुप्रदेशं प्रविश्य विना सुरक्षितदूरात् प्रक्षेपयितुं शक्यन्ते।
स्मार्ट-एण्टी-एयरफील्ड-वेपन भारतस्य अत्याधुनिकं उपग्रह-निर्देशितं सटीक-प्रहारक्षमं च बम्बास्त्रम् अस्ति, यत् मुख्यतया शत्रोः विमानक्षेत्राणां धावन-मार्गाणां च विनाशाय निर्मितम् अस्ति। एतत् रक्षानुसन्धान-विकास-सङ्गठनस्य अनुसन्धानकेन्द्र-प्रासादेन स्वदेशे विकसितम् अस्ति। एतत् शस्त्रं उपग्रह-सञ्चालनप्रणाल्या विद्युद्दृष्टि-शोधक-प्रौद्योगिक्या च सुसज्जितम् अस्ति, येन दिवा वा रात्रौ वा कदापि अत्यन्तं लक्ष्यं भेत्तुं शक्नोति। अस्य भारः प्रायः १२५ किलोग्राम् अस्ति। लघुभारत्वात् एकेनैव युद्धविमानेन, यथा जगुआर अथवा सुखोई-३०, एतानि बहूनि शस्त्राणि वोढुं शक्यन्ते।
डीआरडीओ-अनुसारम् एतस्य उपयोगः शत्रोः धावनमार्गाणां, भूमिगत-आश्रयाणां, विमान-हैङ्गर इत्यादिनां, रडारकेन्द्राणां तथा अन्येषां सुदृढसैन्यस्थलानां विनाशाय क्रियते। भारतीयवायुसेनया डीआरडीओ-सङ्गठनेन च सुखोई-३० तथा जगुआर-युद्धविमानैः अस्य अनेकानि सफलानि परीक्षणानि कृतानि सन्ति। अस्य द्वौ प्रकारौ परीक्षितौ स्तः, ययोः एकः उपग्रह-निर्देशनप्रणाल्याः आधारेण कार्यं करोति, अपरश्च अवरक्त-शोधक-प्रौद्योगिकीम् उपयुङ्क्ते। एतत् वायुतः भूमौ प्रहारक्षमं सटीक-निर्देशितं ग्लाइड-बम्बास्त्रम् अस्ति, यत् जगुआर, हॉक तथा सुखोई-३० एमकेआई इत्यादिभिः विमानीय-मञ्चैः प्रक्षेपयितुं शक्यते। अस्मिन् दीर्घदूरात् शत्रोः विमानक्षेत्रं निष्प्रभावीकरणस्य क्षमता अस्ति।
देशे एव अभिकल्पितं विकसितं च एतत् तन्त्रं ६० प्रतिशतं स्वदेशी भविष्यति। वायुसेनायै अस्य आपूर्तिः २०२७-२०२८ तथा २०२८-२०२९ इत्येतयोः वर्षयोः मध्ये निर्धारितास्ति। अस्य समावेशेन वायुसेनायाः परिचालनक्षमता निश्चयेन वर्धिष्यते, येन सा निर्बाधरूपेण स्वकीयान् अभियानान् निरन्तरं चालयित्वा देशस्य रक्षासज्जतां सुदृढां कर्तुं शक्ष्यति।
प्रारम्भिकरूपेण रक्षामन्त्रालयेन १६० उपग्रह-निर्देशित-स्मार्ट-एण्टी-एयर-फील्ड-शस्त्राणां तैः सम्बद्धानां उपकरणानां च क्रयणाय भारत-डायनामिक्स-लिमिटेड् इत्यनेन सह सन्धि: हस्ताक्षरितः अस्ति, यस्य मूल्यं ८१०.७९ कोटिरूप्यकाणि अस्ति।
Hindusthan Samachar / Divya Ranjan