काठमांडूः, 23 सितंबरमासः (हि.स.)।

अमेरिकादेशेन नेपालस्य बाढीपश्चात् पुनर्स्थापनाय पुनर्निर्माणाय च अतिरिक्ता ३१ मिलियन् अमेरिकी-डॉलर्-मिता सहायता प्रदातुं घोषणा कृता अस्ति। अमेरिकीयविदेशमन्त्रालयस्य राजनैतिककार्याणां उपसचिवा एलिसन् हूकर् न्यूयार्कनगरे नेपालस्य विदेशमन्त्रिणा शिशिरखनालेन सह मिलित्वा एतां घोषणां कृतवती।

उपवेशने हूकर् नेपालदेशे अभूतपूर्वबाढ्या प्रभावितानां जनानां प्रति तथा अद्यापि लुप्तानां प्रायः ७० अमेरिकी-नागरिकाणां परिवारेभ्यः च संवेदनां व्यक्तवती। अमेरिकया प्रभावितक्षेत्रेषु परिवहनसम्बद्धस्य आधारभूतसंरचनायाः पुनर्स्थापनाय क्षेत्रीयसम्पर्कस्य सुदृढीकरणाय च १० मिलियन् डॉलर्-मूल्यानां स्थायिपुलानां आवश्यकतानुसारं शीघ्रं स्थापितुं शक्यानां पुलानां च उपलब्धतायाः घोषणा कृता अस्ति। एतेषां पुलानां क्रयणं अमेरिकी-कम्पनीभ्यः भविष्यति।

तथैव प्रभावितसमुदायानां कृते पेयजलस्य, स्वच्छतायाः, स्वच्छताप्रबन्धनस्य, आश्रयस्य, संरक्षणस्य, आजीविकायाः, शीतकालाय आवश्यकसहायतायाः च विभिन्नेषु क्षेत्रेषु अतिरिक्ता ८ मिलियन् डॉलर्-मिता सहायता उपलब्धा करिष्यते इति योजना अस्ति।

बाढ्याः अनन्तरं आपदाप्रबन्धनं अधिकं प्रभावी कर्तुं अमेरिकादेशे निर्मितानां ड्रोनयन्त्राणां उपलब्धतायै १३ मिलियन् डॉलर् व्ययितुं योजनाऽपि घोषिताऽस्ति।

अस्याः घोषणायाः अनन्तरं नेपालदेशे बाढीसम्बद्धेषु राहतकार्येषु पुनर्स्थापनाप्रयासेषु च अमेरिकादेशस्य कुलसहायता ३६ मिलियन् डॉलर्-तः अधिका अभवत्। एषा सूचना अमेरिकीदूतावासेन प्रदत्ता।

अमेरिकादेशेन नेपालसर्वकारेण सह मिलित्वा आवश्यकतानां मूल्याङ्कनं कर्तुं तथा आवश्यकतानुसारम् अतिरिक्तसहायतां प्रदातुं प्रतिबद्धताऽपि व्यक्ता।

---------------

Hindusthan Samachar / Dheeraj Maithani