आइची-नगोया, 23 सितंबरमासः (हि.स.)।

भारतस्य २०२६ तमस्य वर्षस्य एशियाईक्रीडासु पुरुषकबड्डीप्रतियोगितायाः उपान्त्यचक्रे स्थानं सुनिश्चितम् अभवत्। भारतीयदलेन बुधवासरे समूह ‘ए’ इत्यस्य मुकाबले बाङ्गलादेशदलं ४८-२५ इत्यङ्कैः पराजित्य निरन्तरं तृतीयः विजयः प्राप्तः।

तोकाई सिटिजन्स जिम्नेजियम इत्यत्र आयोजिते मुकाबले भारतदलेन प्रारम्भादेव स्वस्य प्रभुत्वं स्थापितम्। भारतीयदलेन प्रथमपादे बाङ्गलादेशस्य रक्षाप्रणाल्याः रेडिङ्ग् क्रीडायाश्च निरन्तरं चुनौती प्रदत्ता। भारतदलेन १८ आउट् अङ्काः सप्त बोनसाङ्काश्च प्राप्ताः। अस्मिन् अवधौ भारतदलेन द्विवारं प्रतिपक्षिदलं सर्वतः आउट् कृतम् तथा च चत्वारः अतिरिक्ताङ्काः प्राप्ताः।

बाङ्गलादेशदलं भारतीयरक्षापङ्क्तेः सम्मुखे निरन्तरं लयं प्राप्तुं न अशक्नोत्। तेन प्रथमपादे पञ्च आउट् अङ्काः त्रयः बोनसाङ्काश्च प्राप्ताः। एकेन सुपरटैकल् इत्यनेन तस्मै एकः अतिरिक्ताङ्कः प्राप्तः, किन्तु भारतस्य सर्वतोमुखप्रदर्शनस्य सम्मुखे बाङ्गलादेशदलं निरन्तरं पश्चाद्गतम् अभवत्। अर्धविरामपर्यन्तं भारतदलेन २९-९ इत्यङ्कैः सुदृढा अग्रता प्राप्ता।

द्वितीयपादस्य प्रारम्भे भारतदलेन देवाङ्कदलालस्य स्थाने अर्जुनदेशवालः क्रीडाङ्गणे प्रवेशितः तथा दबावः निरन्तरं धारितः। तथापि बाङ्गलादेशदलेन द्वितीयपादे स्वक्रीडायां सुधारः कृतः तथा अष्ट आउट् अङ्कैः अष्ट बोनसाङ्कैश्च १६ अङ्काः प्राप्ताः।

भारतदलेन अपि द्वितीयपादे १९ अङ्काः प्राप्ताः तथा एकवारम् अपरं प्रतिपक्षिदलं सर्वतः आउट् कृतम्। अनेन बाङ्गलादेशस्य पुनरागमनस्य प्रयासानां भारतीयस्य अग्रतायाः उपरि कश्चिदपि प्रभावः न अभवत् तथा भारतदलेन मुकाबलः ४८-२५ इत्यङ्कैः स्वनाम्नि कृतः।

अनेन विजयो भारतदलेन समूह ‘ए’ मध्ये निरन्तरं तृतीयः विजयः प्राप्तः। एतत्पूर्वं भारतीयदलेन आयोजकं जापानदलं दक्षिणकोरियादलं च पराजिते। निरन्तरत्रयविजयानन्तरं भारतदलेन पुरुषकबड्डीप्रतियोगितायाः उपान्त्यचक्रे स्वस्थानं सुनिश्चितं कृतम्।

अधुना भारतं स्वस्य अन्तिमे समूहचरणीयमुकाबले २४ सितम्बर् दिनाङ्के प्रातः ९:४५ वादने चीनीताइपे इत्यस्य दलस्य सम्मुखीभविष्यति। भारतीयदलं एशियाईक्रीडासु पुरुषकबड्डीप्रतियोगितायां स्वस्य नवमं सुवर्णपदकं प्राप्तुं लक्ष्यं कृत्वा अग्रे वर्धते।

---------------

Hindusthan Samachar / Dheeraj Maithani