Enter your Email Address to subscribe to our newsletters
केन्द्रीयसहकारितानागरविमाननराज्यमन्त्री मुरलीधरमोहोलः मुख्यमन्त्री योगी आदित्यनाथश्च भारतटैक्सीं मुख्यमन्त्रीकृषकसमृद्धियोजनां च प्रारब्धवन्तौ
लखनऊ गोरखपुर वाराणसी प्रयागराजेषु सञ्चालनमारब्धम्, टैक्स्या सह द्विचक्रत्रिचक्रवाहनचालकाः अपि संयोजिताः भविष्यन्ति
लखनऊ, २३ सितम्बरमासः, (हि.स.)। मुख्यमन्त्रिणा योगिना आदित्यनाथेन बुधवासरे भारतटैक्स्याः मुख्यमन्त्रीकृषकसमृद्धियोजनायाश्च शुभारम्भं कृत्वा टैक्सीचालकेभ्यः कृषकेभ्यश्च द्वे महत्त्वपूर्णे पदे स्वीकृते। भारतटैक्स्या सह टैक्सी, द्विचक्रवाहन त्रिचक्रवाहनचालकाः पञ्जीकरणेन सह शून्यकमीशनेन संयोजितुं शक्नुवन्ति। तेभ्यः पञ्चलक्षरूप्यकाणां सामाजिकसुरक्षा अपि प्राप्स्यते। अपरत्र मुख्यमन्त्रीकृषकसमृद्धियोजनायाः अन्तर्गतं एलडीबीतः कृषकेभ्यः प्रदीयमानस्य ऋणस्य ब्याजदरः एकादशप्रतिशततः षट्प्रतिशतम् अपि न्यूनीकृता अस्ति।
मुख्यमन्त्री योगी अस्मिन् अवसरे उक्तवान् यत् सहकारितायाः नेतृत्वं कैः हस्ताभ्यां क्रियते, तस्याः सफलता तस्मिन् एव निर्भरति। उत्तमं नेतृत्वं सहकारितां समृद्धेः माध्यमं करोति, यदा तु अनुचितं नेतृत्वं ताम् अव्यवस्थायाः दिशि नेतुम् अर्हति। स्वातन्त्र्यप्राप्तेः अनन्तरं प्रथमवारं देशे पृथक् सहकारितामन्त्रालयस्य गठनं कृतम् अस्ति तथा च अधुना तस्य परिणामाः दृश्यन्ते।
भारतस्य गतिं प्रगतौ परिणमयिष्यति भारतटैक्सी
मुख्यमन्त्री योगी उक्तवान् यत् टैक्सी, द्विचक्रवाहन त्रिचक्रवाहनचालकानां विषये पूर्वं कश्चित् न चिन्तयति स्म। अधुना ते पञ्जीकरणेन सह शून्यकमीशनेन भारतटैक्स्याः भागाः भविष्यन्ति तथा पञ्चलक्षरूप्यकाणां सामाजिकसुरक्षां प्राप्स्यन्ति। सामाजिकसुरक्षायाः प्राप्त्या चालकः निश्चिन्तः भूत्वा दायित्वेन स्वकार्यं कर्तुं शक्नोति।
तेन उक्तं यत् भारतटैक्सी केवलं यात्रिणां वहनं कुर्वती टैक्सी नास्ति। एषा सम्पूर्णभारतस्य टैक्सी अस्ति, या भारतस्य गतिं प्रगतौ परिणमयितुं कार्यं करिष्यति। लखनऊ गोरखपुर वाराणसी प्रयागराजेषु अस्याः सञ्चालनम् आरब्धम् अस्ति। लखनऊविमानपत्तनम्, लखनऊमेट्रो, लखनऊपुलिस् इत्यादिभिः विभिन्नसंस्थाभिः सह समझौताज्ञापनानि अपि कृतानि सन्ति।
महाकुम्भे रैपिडो इत्यस्य सफलप्रयोगः दृष्टः
मुख्यमन्त्री योगी प्रयागराजे आयोजितस्य महाकुम्भस्य २०२५ तमस्य वर्षस्य उल्लेखं कुर्वन् उक्तवान् यत् तत्र लक्षशः युवजनाः रैपिडोमाध्यमेन स्वकीयैः द्विचक्रवाहनैः श्रद्धालून् सुरक्षितरूपेण सङ्गमतटं नयन्ति स्म। सङ्गमतः रेलस्थानकं विमानपत्तनं च प्रति यात्रिणां प्रेषणे अपि तेषां योगदानम् आसीत्। अनेन यातायातव्यवस्था बाधिता न अभवत् तथा च जनानां कृते सुगमागमनस्य सुविधा प्राप्ता।
मुख्यमन्त्रिणा परिवहनमन्त्री दयाशङ्करसिंहं ग्रामीणबससेवामपि भारतटैक्स्याः पद्धत्या अग्रे वर्धयितुं उक्तम्। मुख्यमन्त्री उक्तवान् यत् यदि एतत् प्रारूपम् अग्रे वर्धितं तर्हि लक्षशः युवजनानां कृते रोजगारस्य नूतनाः अवसराः उत्पत्स्यन्ते।
पञ्चलक्षं कृषकेभ्यः षट्प्रतिशतब्याजेन ऋणम्
मुख्यमन्त्रीकृषकसमृद्धियोजनायाः शुभारम्भं कुर्वन् मुख्यमन्त्री योगी उक्तवान् यत् उत्तरप्रदेशसहकारीग्राम्यविकासबैङ्कतः कृषकेभ्यः एकादशप्रतिशतब्याजेन ऋणं प्राप्यते स्म। इदानीं तत् षट्प्रतिशतं कृतम् अस्ति। कृषिकार्याय यन्त्रसामग्रीक्रयणाय च कृषकेभ्यः धनस्य न्यूनता न भवेत् इत्यर्थं दीर्घकालिकऋणस्य व्यवस्था कृता अस्ति। आगामीषु वर्षेषु पञ्चलक्षं लघुसीमान्तकृषकान् अस्य लाभेन संयोजयितुं लक्ष्यम् अस्ति।
मुख्यमन्त्री योगी उक्तवान् यत् अन्नदाता कृषकः सुखी भविष्यति चेत् भारतं सुखी भविष्यति। अन्नदाता कृषकः समृद्धः भविष्यति चेत् भारतमपि समृद्धं भविष्यति। सहकारिताक्षेत्रं यावत् सुदृढं भविष्यति, देशः अपि तावत् सुदृढः भविष्यति।
८६ लक्षं कृषकाणां ३६ सहस्रकोटिरूप्यकाणां ऋणं क्षमितम्
मुख्यमन्त्री उक्तवान् यत् २०१७ तमे वर्षे सर्वकारस्य गठनानन्तरं ८६ लक्षलघुसीमान्तकृषकाणां ३६ सहस्रकोटिरूप्यकेभ्यः अधिकमूल्यस्य ऋणं क्षमितम्। दशकैः लम्बिताः सिञ्चनपरियोजनाः पूर्णाः कृताः। सरयूनहरराष्ट्रीयपरियोजनायाः पूर्णतायै प्रायः पञ्चाशत् वर्षाणि अभवन्। अर्जुनसहायकः, बाणसागरः मध्यगङ्गा इत्यादयः परियोजनाः अपि अग्रे वर्धिताः।
तेन उक्तं यत् गतप्रायेषु सार्धनववर्षेषु प्रदेशे २४ लक्षहेक्टेयरभूमिः अतिरिक्तसिञ्चनसुविधया संयोजिता अस्ति। १६ लक्षेभ्यः अधिकेषु निजी नलकूपेषु आश्रितेभ्यः कृषकेभ्यः निःशुल्कविद्युत् प्रदीयते। नहरैः शासकीयैः नलकूपैश्च सिञ्चनमपि निःशुल्कम् अस्ति।
३.३० लक्षकोटिरूप्यकाणां ऊखलमूल्यस्य भुगतानम्
मुख्यमन्त्री योगी उक्तवान् यत् प्रदेशे सम्प्रति १२२ शर्करामिलाः सञ्चाल्यमानाः सन्ति। एतेषु शतम् अधिकाः मिलाः चतुर्थे दिने एव ऊखलमूल्यस्य भुगतानं कुर्वन्ति। गतनववर्षेषु कृषकेभ्यः ३.३० लक्षकोटिरूप्यकाणां ऊखलमूल्यं प्रदत्तम् अस्ति।
तेन आरोपितं यत् पूर्वसर्वकारैः २९ शर्करामिलाः बन्दीकृताः आसन् तथा तेषु २१ मिलाः अत्यल्पमूल्येन विक्रीताः आसन्। तेन उक्तं यत् कृषकेभ्यः बीजात् विपण्यपर्यन्तं सुविधां प्रदातुं कार्यं कृतम् अस्ति। पैकहाउसाः निर्मिताः, खाद्यप्रसंस्करणएककानि स्थापितानि तथा कृषकउत्पादकसङ्घटनानां गठनस्य सह कृषिविज्ञानकेन्द्रेभ्यः तकनीकीसहकारिता प्रदत्ता।
सहकारितायाः माध्यमेन प्रदेशस्य विभिन्नस्थानेषु पञ्चाशत्सहस्रमेट्रिकटनक्षमतायुक्तानि भाण्डारगृहाण्यपि निर्मीयन्ते।
५४ लक्षं नूतनाः सदस्याः, १५ सहकारीबैङ्काः लाभे
मुख्यमन्त्री योगी उक्तवान् यत् २०१७ तः पूर्वं प्रदेशस्य १६ सहकारीबैङ्काः निष्क्रियाः अभवन् तथा तेषां अनुज्ञापत्राणि अपहृतानि आसन्। एतेषु कृषकाणां सहस्रकोटिरूप्यकाणि निक्षिप्तानि आसन्। अधुना १६ मध्ये १५ बैङ्काः पुनः लाभावस्थां प्राप्तवन्तः। एकस्य अन्यस्य बैङ्कस्य अपि सुधाराय कार्यं प्रचलति।
तेन उक्तं यत् पैक्स् इत्येतेभ्यः पूर्वं दशमलक्षरूप्यकपर्यन्तं ब्याजमुक्तनगदऋणस्य सुविधा प्रदत्ता आसीत्, या अधुना पञ्चदशलक्षरूप्यकपर्यन्तं वर्धिता अस्ति। सहकारितया ५४ लक्षं नूतनाः सदस्याः संयोजिताः सन्ति। कृषकेभ्यः समये एव उर्वरकं, कीटनाशकं अन्याः सुविधाश्च उपलब्धाः भवन्तु इत्यर्थं डिजिटलव्यवस्थामपि सुदृढीक्रियते।
कृषकसमृद्धिपोर्टलस्य प्रारम्भः, भारतटैक्सी च प्रस्थापिता
कार्यक्रमे मुख्यमन्त्री योगी आदित्यनाथेन बटनं निपीड्य मुख्यमन्त्री कृषकसमृद्धिपोर्टल् एप् यूपीसीडीसी इत्यस्य शुभारम्भः कृतः। उर्वरकप्राप्त्यर्थं मोबाइल् एप् तथा सहकारितायाः सेवाः सरलतया उपलब्धाः भवन्तु इत्यर्थं कोऑपरेटिव् डाटासेण्टर् मोबाइल् एप् च प्रारब्धौ।
मुख्यमन्त्रिणा पञ्च सारथिभ्यः भारतटैक्स्याः अंशप्रमाणपत्राणि तथा मुख्यमन्त्रीकृषकसमृद्धियोजनायाः पञ्च लाभार्थिभ्यः ऋणस्वीकृतिपत्राणि च प्रदत्तानि।
भारतटैक्स्याः मुख्यकार्यकारीअधिकारी कर्नल् हिमांशु तथा अडानी एयरपोर्ट लखनऊस्य मुख्यवाणिज्याधिकारी शिवमोहनः विभिन्नसंस्थाभिः सह कृतानां समझौताज्ञापनानां परस्परं विनिमयं कृतवन्तौ। ततः मुख्यमन्त्री योगी आदित्यनाथः, केन्द्रीयसहकारितानागरविमाननराज्यमन्त्री मुरलीधरमोहोलः अन्ये च अतिथयः ध्वजं प्रदर्श्य भारतटैक्सीसेवां प्रस्थापितवन्तः।
कार्यक्रमे केन्द्रीयसहकारिताराज्यमन्त्री मुरलीधरमोहोलः, उपमुख्यमन्त्री ब्रजेशपाठकः, कृषिकृषिशिक्षाकृष्यनुसन्धानमन्त्री सूर्यप्रतापशाही, सहकारिताराज्यमन्त्री स्वतन्त्रप्रभारः जेपीएसराठौरः, परिवहनराज्यमन्त्री स्वतन्त्रप्रभारः दयाशङ्करसिंहः, उत्तरप्रदेशसहकारीग्रामविकासबैङ्कस्य सभापतिः डॉ. विवेककुमारसिंहतॊमरः, सहकारितामन्त्रालयस्य अपरमुख्यसचिवः पङ्कजकुमारबन्सलः, भारतटैक्स्याः उपाध्यक्षः रोहितगुप्तश्च उपस्थिताः आसन्।
Hindusthan Samachar / Dheeraj Maithani