कुम्भः सनातनधर्मस्य जीवन्तपरम्परायाः महत्तमः पर्व — श्रीमहन्तचेतनानन्दगिरिमहाराजः

हरिद्वारम्, २३ सितम्बरमासः (हि.स.)। षड्दर्शनसाधुसमाजस्य तथा अखिलभारतीयसनातनधर्मरक्षासमित्याः बुधवासरे हरिपुरकलास्थिते आश्रमे उपवेशनम् अभवत्। समितेः अध्यक्षस्य श्रीमहन्तगोपालगिरिमहाराजस्य अध्यक्षतायां सम्पन्ने अस्मिन् उपवेशने आगामीहरिद्वारकुम्भस्य, नासिककुम्भस्य, उज्जयिनीकुम्भस्य च सज्जतां, साधुसमाजस्य भूमिकां तथा सनातनपरम्पराणां संरक्षणं प्रति विचारविमर्शः कृतः।

उपवेशने श्रीमहन्तगोपालगिरिमहाराजः अवदत् यत् कुम्भः केवलं धार्मिकः आयोजनः न, अपितु सनातनसंस्कृतेः, आध्यात्मिकचेतनायाः, भारतीयपरम्पराणां च विराट्सङ्गमः अस्ति। सः अवदत् यत् आगामीकुम्भं भव्यं दिव्यं सुव्यवस्थितं च कर्तुं साधुसमाजः प्रशासनस्य सह सकारात्मकां भूमिकां निर्वक्ष्यति। देशविदेशेभ्यः आगच्छद्भ्यः श्रद्धालुभ्यः उत्तमाः सुविधाः साधुसमाजस्य मार्गदर्शनं च प्राप्नुयुः, एतदर्थं सर्वैः मिलित्वा प्रयासः करणीयः इति सः अवदत्।

समित्याः उपाध्यक्षः श्रीमहन्तचेतनानन्दगिरिमहाराजः अवदत् यत् कुम्भः सनातनधर्मस्य जीवन्तपरम्परायाः महत्तमः पर्व अस्ति। हरिद्वारे, नासिके, उज्जयिन्यां च आयोज्यमानैः कुम्भपर्वभिः सनातनसंस्कृतेः सन्देशः सम्पूर्णविश्वं प्रति प्राप्यते। कुम्भस्य व्यवस्थां धार्मिकगरिमां च संरक्षितुं साधुसमाजः सर्वतोभावेन सहकारितां करिष्यति। कुम्भकाले स्वच्छतायाः, श्रद्धालूनां सुविधायाः, सुरक्षायाः, धार्मिकस्थलानां व्यवस्थायाः च विशेषरूपेण ध्यानं दातव्यम् इति सः अवदत्।

उपवेशने सन्तः कुम्भायोजनसम्बद्धेषु विविधेषु विषयेषु स्वकीयाः सुझावाः प्रस्तुतवन्तः। साधुसमाजस्य एकतया आगामीधार्मिकानुष्ठानानि सफलानि कर्तुं सर्वैः प्रयत्नः करणीयः इत्यपि बलं दत्तम्।

अस्मिन् अवसरे समितेः महामन्त्री सवलक्षरुद्राक्षधारी बाबा श्रीमहन्तगीतानन्दगिरिमहाराजः, श्रीमहन्तप्रशान्तपुरी, पञ्जाबतः श्रीमहन्तअशोकगिरिः, जूनागढतः श्रीमहन्तधीरजगिरिः, टिहरीतः सुखदेवगिरिः इत्यादयः बहवः सन्तः महात्मानः च उपस्थिताः आसन्।

Hindusthan Samachar / Dheeraj Maithani