हरिद्वारम्, 23 सितंबरमासः (हि.स.)।

मुख्यमन्त्रिणा पुष्करसिंहधामिना बुधवासरे ग्राम औरङ्गाबादस्थिते पतञ्जलिवेलनेसयोगग्रामे प्रथमस्य पतञ्जलिआयुर्वेदगुरुकुलस्य शुभारम्भः कृतः।

अस्मिन् अवसरे योगगुरु स्वामीरामदेवं, आचार्यबालकृष्णं पतञ्जलिपरिवारं च शुभकामनाः प्रदाय तेन उक्तं यत् एतत् संस्थानं भारतीयज्ञानपरम्परायाः आधुनिकशिक्षायाश्च समन्वयस्य सशक्तं केन्द्रं भविष्यति। तेन उक्तं यत् स्वामीरामदेवस्य प्रेरणया योगः गृहं गृहं प्राप्तः तथा सम्पूर्णे विश्वे जनानां स्वास्थ्यवर्धनस्य कार्यं सम्पन्नम्। तथैव आचार्यबालकृष्णेन आयुर्वेदक्षेत्रे अनेकानां औषधीयवनस्पतीनां अन्वेषणं कृतम् अस्ति तथा आयुर्वेदस्य अनेकाः ग्रन्थाः लिखिताः सन्ति।

मुख्यमन्त्रिणा उक्तं यत् हरिद्वारः श्रद्धायाः संस्कृतेः सनातनपरम्परायाश्च प्रमुखं केन्द्रम् अस्ति। अतः देवभूमौ पतञ्जलिआयुर्वेदगुरुकुलस्य स्थापना भारतस्य प्राचीनज्ञानपरम्परां आधुनिकयुगेन सह संयोजयितुं दिशि महत्त्वपूर्णं पदम् अस्ति।

तेन उक्तं यत् आधुनिकविज्ञानेन प्रौद्योगिक्या च सह योगस्य, आयुर्वेदस्य, भारतीयसंस्कृतेः जीवनमूल्यानां च समन्वयः नूतनपीढीं स्वकीयमूलैः सह संयोजयित्वा भविष्यस्य आव्हानानां कृते सज्जां करिष्यति। शीघ्रं परिवर्तमानस्य विश्वस्य अस्मिन् युगे आधुनिकज्ञानस्य सह संस्कारस्य सन्तुलितजीवनशैल्याश्च शिक्षणमपि आवश्यकम् अस्ति।

मुख्यमन्त्रिणा उक्तं यत् राष्ट्रियशिक्षानीतौ २०२० कौशलस्य, नवाचारस्य, भारतीयज्ञानपरम्परायाः विद्यार्थिनां समग्रविकासस्य च विषये विशेषः बलः प्रदत्तः अस्ति। उत्तराखण्डेऽपि एषा नीतिः प्रभाविरूपेण कार्यान्विता क्रियते। तेन उक्तं यत् आधुनिकता परम्परा च परस्परं विरोधिन्यौ न, अपि तु परस्परपूरिके स्तः। स्वकीयया विरासतया सह सम्बद्धा आधुनिकज्ञानं प्राप्तवती युवपीढी भविष्यस्य सम्मुखीकरणं सम्यग्रूपेण कर्तुं शक्नोति।

तेन उक्तं यत् उत्तराखण्डं पर्यटनस्य सह ज्ञानस्य, योगस्य, आयुर्वेदस्य अध्यात्मनश्च वैश्विककेन्द्ररूपेण विकसितुं प्रयत्नाः क्रियन्ते। पतञ्जलिआयुर्वेदगुरुकुलम् अस्यां दिशि महत्त्वपूर्णां भूमिकां निर्वोढुं शक्नोति। तेन विश्वासः प्रकटितः यत् आगामिषु कालेषु एतत् संस्थानं देशविदेशेभ्यः विद्यार्थिभ्यः योगस्य, आयुर्वेदस्य, ज्ञानस्य विज्ञानस्य च अध्ययनस्य महत्त्वपूर्णं केन्द्रं भविष्यति।

कार्यक्रमे स्वामीरामदेवेन उक्तं यत् एलोपैथी चिकित्सापद्धतेः स्वकीयाः सीमाः सन्ति। आधुनिकविज्ञाने यकृत्स्य विफलतायाः चिकित्सायां आव्हानानि सन्ति, यदा तु पतञ्जलिना तदर्थम् आयुर्वेदिकौषधानि विकसितानि सन्ति। तेन दावितं यत् एताभिः औषधिभिः लक्षशः जनाः लाभान्विताः सन्ति तथा अनेकानां जनानां यकृत् वृक्कयोः प्रत्यारोपणस्य आवश्यकतायाः परिहाराय साहाय्यं प्राप्तम् अस्ति।

तेन उक्तं यत् पतञ्जलिसंस्थायाः वार्षिकसञ्चालनव्ययः पञ्चसहस्रकोटिरूप्यकाणि अस्ति। पतञ्जलिसंस्था पञ्चलक्षजनान् रोजगारं प्रददाति तथा तेन लक्षशः परिवाराणां जीवने सुखं प्राप्तम् अस्ति।

कार्यक्रमे आचार्यबालकृष्णः, मन्त्रिमण्डलस्य मन्त्री मदनकौशिकः, विधायकः आदेशचौहानः, विधायकः रविबहादुरः, पूर्वमन्त्रिमण्डलस्य मन्त्री स्वामीयतीश्वरानन्दः, जिलाधिकारी मयूरदीक्षितः, वरिष्ठपुलिसाधीक्षकः नवनीतसिंहभुल्लरः, मुख्यविकासाधिकारी डॉ. ललितनारायणमिश्रः, यातायातपुलिसाधीक्षकः निशायादवः, नगरदण्डाधिकारी हरिगिरिः इत्यादयः बहवः जनप्रतिनिधयः, भाजपापदाधिकारिणः, संस्थानस्य छात्राः छात्राश्च उपस्थिताः आसन्।

Hindusthan Samachar / Dheeraj Maithani